Әзиз Ўатанласлар!Сизлерди елимиздиң жаңа тарийхындағы мәңгилик сәне, халқымыз турмысындағы ең уллы ҳәм ең әзиз байрам – Өзбекстан Республикасы мәмлекетлик ғәрезсизлигиниӊ 33 жыллығы менен қызғын қутлықлаймыз.
Мәмлекетимиз өз ғәрезсизлигине ерискенли берли өткен 33 жыл даўамында халқымыздың бир өмирлик әрманы болған бул бийбаҳа инамның қәдирин ҳәр бир ўатанласымыз турмысында терең аңламақта. Әсиресе елимизде әмелге асырылып атырған кең көлемли реформалар, жаңаланыўлар буның бәршеси инсан қәдири, бахыт-ығбалы ушын екенлигин күнделикли турмысымызда терең сезинбектемиз.
Денсаўлықты сақлаў тараўында да мисли көрилмеген өзгерислер жүз бермекте. Бул өзгерислер Жаңа Өзбекстанның дүнья кең жәмийетшилиги арасында абыройын асырыўы сөзсиз.
Тараўда алып барылып атырған реформалар бүгин өзиниң унамлы нәтийжесин берип атыр.
Халыққа медициналық хызмет көрсетиў сапасын асырыў, бирлемши медициналық-санитариялық жәрдемди жетилистириў, шаңарақлық поликлиникалар ҳәм басқа денсаўлықты сақлаў мәкемелериниң материаллық- техникалық базасын раўажландырыў ҳәм беккемлеў, халықты зәрүрли дәри-дәрмақ ҳәм медициналық буйымлар менен тәмийнлеў системасын жетилистириў бағдарындағы жумыслар избе-излик пенен алып барылмақта.
Бәршеңизди және бир мәрте мәмлекетимиз ғәрезсизлигиниӊ 33 жыллық байрамы менен қутлықлап, Сизлерге узақ өмир, беккем денсаўлық, шаңарақларыңызға аманлық ҳәм қут-берекет, мәмлекетимизди раўажландырыў жолындағы ийгиликли жумысларыңызда тасқын табыслар тилеймиз.
М.И.Қурбанов,
Қарақалпақстан Республикасы Денсаўлықты сақлаў министри✅
@qrdssm