🇰🇿 Бүгін бір маңызды мәселе жайында айтқым келеді, ол — компаниямызға әлеуметтік желілерде қолдау көрсету. Бізде оң мыңдаған серіктес бар, әрқайсысы белсене атсалысса, мықты синергетикалық әсер қалыптастырар едік. Бұл жеке тұлға үшін ғана емес, бүкіл компания үшін өте маңызды. Сол себепті де, компанияға жаңадан қосылған серіктестер мен көшбасшыларды оқыту бағдарламасына бірнеше маңызды қадамдарды қостық.

Біріншіден: әрбір серіктес компанияның әлеуметтік желідегі барлық ресми парақшаларына жазылу керек.
Екіншіден: әрбір публикацияға сапалы пікір жазып, қолдау көрсетуге міндетті. Ол жай ғана смайлик немесе "жарайсың", "керемет" деген сөз болмауы керек. Біз серіктестерімізге өнімнің құндылығын көрсететін немесе пост тақырыбын ашатын мағыналы да мазмұнды пікір жазуды үйретеміз. Ол сенімді арттырады және басқа адамдардың назарын аударады. Бәріміз бірігіп, жүздеген, тіпті мыңдаған пікір қалдырсақ, ол бейнеролик тез таралып, көптеген қаралым жинайды.

Синергетикалық әсер компания мен оның бренді сізге жұмыс істей бастағанда, байқалады. Әлеуметтік желідегі парақшаларымыз көпшілікке танымал болса, командамызға қосылғысы келетін жандар қатары да көбейеді. Сонда сіздерге компания өнімін басқаларға ұсыну мен адам шақыру да әлдеқайда жеңіл болар еді.

Естеріңізде болсын: "Жаяудың шаңы шықпас, Жалғыздың үні шықпас" деген, біз біріксек, талай биікті бағындырамыз.

🇷🇺 Текст на русском языке выше ⬆️