Бүгін Миғраж түні, 🌙
(яғни қаңтардың 26-ынан 27-іне қараған түн)
Миғраж түнінде Пайғамбарымыз ﷺ Меккедегі әл-Харам мешітінен Құдыстағы әл-Ақса мешітіне бір сәтте исра жасады(арабтарда түнгі сапар “исра” деп аталады). Одан миғражға (“миғраж”-көтерілу) жеті қат көкке көтеріліп, дүниеден өткен барлық пайғамбарлармен кездесті, үнемі құлшылықта жүретін періштелермен жолықты. Құдіретті Жаратушымыздың түрлі белгі – аяттарын көріп, Онымен тілдесті. Бес уақыт намаз осы түнде парыз етілді.
Бұл түнді қалай өткізуге болады?
— ораза ұстау.
— қаза намаздарын өтеу.
— тәубе ету.
— көп дұға ету.
— салауат айту.
— тасбих тарту.
— Құран оқу.
— садақа беру.
— нәпіл намаздар оқу.(тасбих намазы)
— өзімізді Рамазанға дайындау.
Ең бастысы өзіңізді есепке алып, терең ойланып, Алланың нығметін сезінуге керемет мүмкіндік. Алла менен не қалайды, Аллаға лайықты түрде құл болып жүрмін ба, әмірлерін орындап жатырмын ба деген сияқты сұрақтар төңірегінде ой жүгіртуге болады.
Тек бүгін емес, әрдайым Алланы зікір етіп, Оның разылығын іздеген құлдарынан болуды нәсіп етсін, 🤲
