⚡️ "Төрт әйелі бар имамның үйі". Сот жалған ақпар таратқан азаматқа көлемді айыппұл артты...

Желіге «Астана қаласының бас имамының зәулім үйін» көрсетіп, жұрттың жағасын ұстатқан ер адамға сот айыппұл салды.

"...не деген сарай мынау. Төрт әйелі бар екен. Поварын алып келдім. Сендердің садақаларыңмен жалақысын төлейді. Қалай Алладан қорықпайды?", – деген болатын видеоны түсірген адам.

Сотта кінәлі азамат өз ісіне қатты өкінетінін айтып, бейнероликтегі үйдің кімге тиесілі екенін анық білмейтінін түсіндірген. Алайда сот бұған иліге қоймаған. Әкімшілік құқық бұзушылық туралы кодекстің 73-3-бабы 2-бөлігі негізінде оған 707 мың теңге айыппұл салынды.

Даулы видеодан жұрт аңыз қылған зәулім сарайдың шын иесі кәсіпкер Нұрлан Лесбекұлы екендігі белгілі болған. Ал Астана қаласының бас имамы бұл ғимаратқа еш қатысының жоқ екенін бұған дейін де ресми мәлімдеген.

Бізді оқыңыз👇

📱 t.me/askerenews