DALA INSIDE

🔥 "Өзге Қазақстан" операциясы: Шерзат ісінен екінші Қаңтар жасаудың әрекеттері басталды

Ескі Қазақстанның олигархтары мен ықпалды шенеуіктерінің биылғы мамыр айынан бері «Өзге Қазақстан» атты бейресми жасырын ұйым құрып, бір жерге топтаса бастағанын жазған болатынбыз. Олардың идеологтары Талғардағы Шерзат ісін триггер ретінде алып, 16 желтоқсан күні жастарды көтеру үшін Тик-ток пен Инстаграм желісінде "За Шерзата" кампаниясын бастады. Кампанияға 300 миллион теңгедей қаржы бөлінген.

"Координаторлар штабы жұмыс бағытын екіге бөлді. Фронталды топ активистерден құралған. Олар аудиториясы үлкен блогерлер, әншілер мен танымал адамдарды "отписка" жасаймыз деп бопсалап, Шерзат ісіне қатысты пікір білдіруге итермелеуде. Оларға ертеңге дейін дедлайн қойылған. Ал екінші бэк-офис программистер мен монтаж мамандарынан тұрады. Олар әлеуметтік желілерге Қаңтар оқиғасындағы, Астана-Челси футбол матчындағы жанкүйерлер маршының видеоларын монтаждап, адамдар Шерзат ісіне қатысты жиналуда деп келтіріп, дезинформация жасауда", - дейді, DALA INSIDE дереккөзі.

"Өзге Қазақстан" жасырын ұйымының белсенділігі қазан айынан бері күрт артты. Қазір олардың қолында кемінде 500 белсенді аккаунт жинақтап отырған кәсіби ботоферма бар. Негізгі электораты жастар және кәсіподақтар болып табылады.

Соңғы уақытта «Өзге Қазақстан» ірі кәсіпорындардағы кәсіподақтармен астыртын байланысын күшейткенін жазған болатынбыз. Егер қаладағы тик-ток жастар көтерілсе, ізін ала әлеуметтік талап қойған жұмысшыларды көтеру жоспары да болуы мүмкін. Моноқалалар мен ірі кәсіпорындарда кемінде екі миллион адамнан асатын топ бар. Бұл үлкен күш.

Мәскеудегі Путин мен Назарбаев кездесуінің 16 желтоқсанға үш күн қалғанда өтуі де тегін емес.

DALA INSIDE бұл бағытты үнемі назарда ұстап отырады. Бізге жазылып алыңыздар 👇

https://t.me/dalainside

⚡️ Құпия құжаттың кілтипаны: Есекеев Тоқаевтың атынан бұйрық таратқан ба?

Осындай атпен Exclusive-те жарық көрген мақала DALA INSIDE-тың назарын аударды. Зерттеуде президент кеңесшісі Қуанышбек Есекеевтің Тоқавтың атынан берілгендей етіп таратқан бұйрықтарының заңдылығы мен мақсаттарына күмән келтіріледі. Мақаланы ықшамдап ұсынғанды жөн көрдік...

2024 жылғы 6 желтоқсанда вице-премьер Серік Жұманғарин төрағалық еткен кеңесте тауарларды маркировкалау және олардың қозғалысын бақылау мәселелері қарастырылады.

Бұл жиынға мемлекеттік органдардың өкілдері қатысқан, алайда таңбалауға тікелей тартылған кәсіпкерлер бұл талқылаудан тыс қалған.

Араға үш күн салып «Атамекен» ҰКП төрағасының орынбасары Тимур Жаркенов кәсіпкерлермен кездесіп, вице-премьер кеңесінде талқыланған мәселелерді түсіндірген.

Осы кезде бір қызық жайт анықталған: жиналғандардың ешбірі президент Тоқаевтың тауарларды таңбалау туралы тапсырмасы бар екенін растай алмаған. 2020 жылғы Еуразиялық экономикалық кеңестегі баяндамасынан басқа, ресми құжат табылмаған.

Тек Қуанышбек Есекеевтің қараша айының соңында Тоқаевтың атына жазған қызметтік хаты ғана болған.

«Қазақтелекомның» экс-төрағасы, қазіргі Президент кеңесшісі өз ұсынысында тауарларды таңбалау жүйесін күшейтуді және әкімшілік жауапкершілікті қатаңдатуды ұсынған...және Ресейдің тәжірибесін алға тартқан.

Ол Ресейдегі тәжірибені мысалға келтіре отырып, бұл жүйе арқылы салықтық түсімдердің артқанын және көлеңкелі экономиканың қысқарғанын дәлелдегісі келген.

"Бірақ бұл деректер шынайы нәтижеге сай келмейді. Ресейде таңбалау жүйесі салықтық түсімді арттырғаннан гөрі, тауарларға жалған таңбаларды жаппай сатудың жаңа нарығын қалыптастырды. Ресейдегі кәсіпкерлер бұл жүйеге қарсы петициялар ұйымдастырып, оның бизнесті күйрететінін ашық мәлімдеді", - деді осы тұста жиынға қатысқан сарапшылар.

Бұдан бөлек, Есекеевтің қызметтік жазбасында "кассалық алшақтық" туралы мәселе көтерілген. Алайда, заңгер Айна Қайдарованың айтуынша, "кассалық алшақтық" тек бухгалтерлік есепте қолданылатын термин, оның таңбалау жүйесімен байланысы жоқ. Бұл жерде мәселе нақты салықтық бақылаудың әлсіздігі мен кеден қызметінің жеткіліксіз жұмысында жатыр.

Сонымен қатар, Есекеев қызметтік жазбасында "кейбір кәсіпкерлер тауарларды шикізат ретінде декларациялау арқылы таңбалаудан жалтаруда" деген пікір білдірген.

"Бірақ бұл мәселе импорттаушыларға емес, кеден қызметіне бағытталуы тиіс. Кейбір деректерде таңбалау жүйесінің шығындары шағын және орта бизнес үшін айтарлықтай ауыртпалық туғызатыны анықталған. Таңбалау шығындарына байланысты көптеген кәсіпкерлердің бизнесі тоқтап қалу қаупі бар", - дейді осы Exclusive.

Президент Тоқаев 2020 жылы Еуразиялық экономикалық кеңесте тауарларды таңбалауға қатысты абай болуға шақырып, бұл үдерістің бизнеске теріс әсерін ескерткен еді. Соған қарамастан, таңбалау міндетін белсенді түрде енгізу жалғасып келеді. Бұл шараның артында кімдердің пайда көретіні жайлы сұрақ туындайды.

❗️Exclusive-тің жазғанындай таңбалау жүйесінің жалғыз операторы ретінде «Қазақтелеком» компаниясы бекітілген.

Кәсіпкерлердің айтуынша, таңбалау жүйесінің басты мақсаты көлеңкелі экономиканы қысқарту емес, монополиялық құрылымдардың мүддесін қорғау. Бұл жүйе арқылы түскен қаражат мемлекет емес, жеке компаниялардың шотына ауып жатыр.

Бизнесмендердің пікірінше, Президенттің 2020 жылғы ескертулері мен монополияны жою туралы тапсырмаларын ескере отырып, таңбалау саясаты қайта бағалануы керек. Ең бастысы бұл үдерістің артында кімдер пайда көріп отырғанын қоғам ашық білуі тиіс.

DALA INSIDE жағдайды бақылауда ұстауда. Бізге тіркелуді ұмытпаңыз👇

https://t.me/dalainside

⚡️ Академик Жұмаділдаев: Назарбаевтың тұсында Есімовке дейін "Еңбек ері" атанды...

Қазақтілді ортаға сыйлы, "абстрактілі тақырыптардан" аулақ жүретін академик Асқар Жұмаділдаевтың айтуынша Назарбаевтың ғалымдарға бүйрегі бұра бермейтін.

DALA INSIDE түнеукүні Тоқаевтың қолынан марапат алған ғалымның Assyltas арнасына берген сұхбатын шолып шыққан еді.

Республика күні қарсаңында президент Тоқаев Асекеңді "Қазақстанның Еңбек Ері" атағымен марапаттаған. Ғалымның айтуынша, бұл оның тұңғыш мемлекеттік ордені.

Ғалым ескі Қазақстанның дәуірлеп тұрған шағында да мұндай сый-құрметке ұсынылғанын жасырмайды, алайда әлдебір себеппен санаттан сызылып қала берген.

"Менде медаль болғанымен, мемлекеттік ордендер жоқ екен. Академия мені "Құрмет" орденіне ұсыныпты. Қомсынбағаным емес, "мұны жас балалар да алып жатыр ғой, олармен жағаласып жүргенім жарамас" деп едім, сөйтсем заң сондай екен. "Құрметті" кеудеңе таққасын, тағы бес жыл күтесің. Бірақ кейін Президенттің пәрменімен бұл шешім өзгертіліпті. Ақыр соңында, "Қазақстанның Еңбек Ері" атағын алдым", – дейді Асекең.

Ғалым сол күнгі Астана көшесіндегі кептелістің кесірінен Ақордаға автобуспен баруға мәжбүр болған.

"Такси шақырып едім келмеді. Амал жоқ, автобусқа міндім. Бір студенттер танып қалып, сәлемдесті. Бір сағатқа жуық жүріп, Ақордаға әрең жеттім. Сол аралықта құттықтап қоңырау шалғандар көп болды, бірақ не үшін құттықтап жатқанын өзім білмеймін", – деп еске алды ол.

Академиктің айтуынша экс-президенттің ғалымдарға бүйрегі бұра бермейтін. Назарбаевтың заманында ғылым-білім қуған қауымға мұндай атақ сирек берілетін.

Ескі Қазақстанның кезінде Назарбаевтың немере інісі Ахметжан Есімовке дейін берілген "Еңбек ері" ғалымдарды айналып өте берген.

"Менің орденімнің арғы бетінде 52 саны таңбаланып тұр. Осы сәтке дейін бұл төсбелгі 52 адамның кеудесіне тағылыпты. Соның тең жартысын Назарбаев табыстаған екен. Бірақ Есімовке, ірі холдинг басшыларына, ұстаздарға, дәрігерлерге, ақын-жазушыларға берген екен. Ғалымдарға бұйырмаған. Мүмкін, осы санаттағы алғашқы лауреат мен шығармын", - дейді академик.

Бұған дейін сұхбатының бірінде Асқар Жұмаділдаев мырза "қазаққа ақын емес, технократ керек" деп, еліміздің технологиялық дамуға мұқтаж екенін атап өткен еді. Ғалымның экс-президентті ашық сынаған кезін еске түсіре алмай тұрмыз.

Дегенмен, Назарбаев билігінің соңында "шикізат емес, ақыл сататын заман туды" деген Жұмаділдаев Үкіметтің "ата-бабамыздың барлық байлығын бытырлатып сатып жатқанын" сынаған еді.

Бізге тіркелуді ұмытпаңыз👇

https://t.me/dalainside

🚂 ҚТЖ-ның жаңа басшысы туралы ауыр келіссөздер аяқталуға жақын

Астанада жабық консультация өткізген тараптар "Қазақстан темір жолы" ұлттық компания басшылығына Астананың қазіргі әкімі Жеңіс Қасымбек лайық деп тапқан сияқты. Ұсақ детальдар ғана қалды", - дейді, DALA INSIDE дереккөзі.

Ақорда, Үкімет, Самұрық-Қазына үшеуі де ҚТЖ-дағы жағдайға мүлде риза емес. Компанияның қарызы 2,9 триллион теңгеге жетіп отыр. Ұлттық компания ескі қарызды жабу үшін жаңа қарыздар алуда. Нұрлан Сауранбаев бастаған қазіргі менеджменті ұсақ-түйек күнделікті сұрақтарды шешкенімен, жүйелі, күрделі, ұзақмерзімді шешімдер қабылдай алмады.

"Қасымбек ҚТЖ-ның психологиясы мен философиясын өзгерту үшін таңдалды. Себебі 30 жыл бойы Қазақстан темір жолы трансформациядан өте алмады. Ескі консервативті догма құрсауында келді", - дейді дереккөз.

Бірақ Жеңіс Қасымбек Астанада жаңа жылды өткізіп, қаланы әсемдеп, жаңа 2025 жылғы жұмыс күнін бастамай елорда әкімдігінен кетпеуі тиіс. Сауранбаевтар да 2024 жылғы бонустарын алу үшін толық календарлы жылды аяқтасын деген ойға тоқтаған.

Ал Астана әкімі креслосына кім келеді? "Ол сұрақтың жауабы ең үлкен кабинетте айтылады. Бірақ Жоғарғы аудиторлық палата төрағасы Әлихан Смайыловтың шоқтығы биік. Ұсынылған үш кандидат арасында да Смайылов досьесі ұзақ талқыланды", - дейді дереккөз.

Мемлекет басшысының Әлихан Смайыловқа деген көзқарасы өте жақсы. Қазақтың Әлиханы өзінің ұлтқа деген қызметі, кәсібилігі мен адалдығы, және жұрт біле бермейтін қаржылық есеп стандарттарын шемішкедей шаға алатын деңгейімен танылған болатын.

Смайыловқа қатысты бір дилемма тұр. Ол әрине, Астана қаласын жайната алады. Бірақ оны әкім қыла отырып, біз Жоғары аудиторлық палатаны әлсіретіп алуымыз мүмкін. Қазір ЖАП Қазақстан мемлекеті үшін Астана әкімдігінен де маңызды орган болып тұр.

DALA INSIDE Қазақтың Әлиханының көңіл-күйін қалт жібермей қадағалап отырмақ. Бізбен бірге болыңыздар 👇

https://t.me/dalainside

⚡️ Ғарыш кемесін хан Кененің басына алмастыруды ұсынған кәсіпкерге іздеу салынды

Бір жылдары "Боран" ғарыш кемесін хан Кененің басына айырбастауға дайын екенін айтып, Кремльге шарт қойған бизнесменге іздеу жарияланды жазады DALA INSIDE.

Бас прокуротураның мәлім еткеніндей Дәурен Мұсаның үстінен "алаяқтық" бойынша қылмыстық іс қозғалып, кәсіпкерді құрықтау туралы пәрмен берілген. Тергеу амалдарымен Алматы полициясы айналысуда.

Құқық қорғау органдарының нысанасына іліккен Дәурен Мұса КСРО-ның аса ірі жобасы, АҚШ-тың Space Shuttle бағдарламасына жауап ретінде жасалған "Боран" ғарыш кемесін 89 мың рубльге сатып алып, іріп-шіруге шақ қалған шатллды қайта қалпына келтірген еді.

Кейінгі жылдары Кремль жекенің қолына өткен "Боранға" қайта "құмартып", ғарыш кемесін "Роскосмостың" балансына қайтаруға тырысқан.

"Боран" біз үшін металл мен болттардың жиынтығы емес, советтік инженерияның ұлы жетістігі", - деп жазған еді осыдан төрт жыл бұрын компанияның сол тұстағы төрағасы Дмитрий Роғозин.

"Роскосмос" төрағасына дереу жауап қатқан Дәурен Мұса "шатлды хан Кененің басына айырбастауға дайын екенін" мәлімдеген-тін. Кәсіпкердің шарты Мәскеудің қытығына тигені анық еді. DALA INSIDE-қа жеткен мәлімет бойынша Ресей ғарыш кемесін "тарихи отанына қайтару" мақсатынан бас тартқан жоқ.

Осы орайда "кәсіпкердің үстінен қозғалған қылмыстық істе көршінің көлеңкесі көрінбей ме?" деген заңды сауал туындайды. Кәсіпкердің үстінен қозғалған қылмыстық іс пен Кремль көсемінің Астана сапары тұспа-тұс келгені түрлі ойға жетелейді.

Қалай болғанда да, кәсіпкерге тағылған айып мен оның айналасындағы ахуал Мәскеу үшін тиімді бағытта өрбіп жатқаны өтірік емес. Кәсіпкердің осыдан үш жыл бұрынғы мәлімдемесі өз басына таяқ болып тигендей әсер қалдырады...

Ресей қазақтың соңғы ханының басын қайтаруға асығар емес. Саяси сауданы кешірмейтін Кремль "Боранның" иесіз қалар сәтін тыпыршып күтіп отырса таңғалмаңыз.

Айтқандай, күні кеше Есілдің бойындағы хан Кененің мүсіні алынып тасталды. Әкімдік ескерткіштің іргесі іріп-шіри бастаған, құлау қаупі бар дейді. "Ұлысмедиадағы" әріптестерге сұхбат берген тарихшы Сұлтанхан Аққұлұлының айтуынша бұл кездейсоқ емес, "бәрі бір саясаттың, бір сценарийдің желісі".

DALA INSIDE жағдайды бақылауда ұстауда. Бізге тіркелуді ұмытпаңыз👇

https://t.me/dalainside

⚡️ Кипр 77 адамды "алтын төлқұжаттан" айырды: арасында қазақ жүр...

Кипр билігі "алтын төлқұжаттан" айырған 77 адамның тізімін жария етті деп жазады DALA INSIDE.

Politis басылымы жариялаған тізімде Maksat ARIP деген есім 50-ші орында тұр. Бұл Қазақстанның бұрынғы бизнес магнаты, Kazakhstan Kagazy компаниясының экс-басшысы Мақсат Әріп болуы ықтимал.

Кипр билігі азаматтықтан айыру бойынша шешімді елге инвестиция әкелген миллионерлердің қылмыстық және экономикалық әрекеттеріне байланысты қабылдаған. Тізімдегі қауымның жиырмадан астамы туған елінде осындай айыптаумен тергеліп жатыр.

Мақсат Әріптің есімі Қазақстан мен халықаралық соттарда талай мәрте талқыланған. 2017 жылы Лондон соты одан және компанияның қаржы директоры Шынар Диханбаевадан $260 миллион өтемақы талап етті.

Мақсат Әріптің тұсында (2003-2008) компания Лондон қор биржасында листингке шығып, халықаралық инвесторлардан қаржы тартқан. Компанияның қарызға батып, банкротқа ұшырауы кезінде бұл қаражаттың белгілі бір бөлігі заңсыз немесе тиімсіз мақсаттарға жұмсалды деген күдік туды.

Қазақстанда Әріпке "аса ірі көлемде алаяқтық жасады" деген айып тағылып, ол 2024 жылы наурызда Біріккен Араб Әмірліктерінде ұсталды.

"Қазақстан Қағазы" компаниялар тобы 2001 жылы құрылған. Заманында қағаз және гофрленген қаптаманың Орта Азиядағы ең ірі өндірушісі болды. Холдинг құрамына "Kagazy Recycling" компаниясы мен макулатура сұрыптайтын "Kazakhstan Waste Recycling" ЖШС-ы кірді.

Қазақстанның "ескі гвардиясы" деп аталатын бай элита өкілдерінің түрлі оффшорлық жүйелер мен алтын төлқұжат бағдарламасына арқа сүйеуі бекер емес. Құны 2 млн 💶-дан басталатын "Алтын құжат" оларға халықаралық қаржылық жүйеде еркін қозғалу мүмкіндігін береді.

Капиталды сақтау, салық жеңілдіктері мен құқықтық баспана алу, "ыңғайсыз сұрақтардан" жалтаруға жәрдемдесу осы төлқұжаттың басты плүсі.

"Алтын құжаттан" қадір кетсе, "ескі Қазақстан" деп аталатын элитаның құты қашады. Кипрдің қадамы осыған ұқсас жүйесі бар басқа елдердің әрекетіне әсер ете ме?

Бұл туралы алдағы уақытта айтамыз. Бізге тіркеле кетіңіз👇

https://t.me/dalainside

⚽ Марат Омаров қазақ футболын көркейте алады

Мемлекет те осыған сеніп отыр. Қазір Қазақстан футбол федерациясын басқаруға екі кандидат ұсынылды дейді, DALA INSIDE дереккөзі.

Басты үміткер - Бәсекелестікті қорғау агенттігінің басшысы Марат Омаров. Ол кезінде кәдімгідей кәсіби деңгейде футбол ойнаған. Федерация басшылығына экс-қақпашы Давид Лория да таласып отыр. Осы екі тұлға тандем құрып, Омаров президент, Лория вице болып, футболды көтеруге қауқары бар.

Экс-төраға Әділет Бәрменқұловтың өз адамын қою әрекеті сәтсіз аяқталды. Оған Антикордың бірнеше сұрағы пайда болған сияқты.

Жалпы, қазақ футболының толық тазалауға ұшырайтынын осының алдында жазған едік. Клубтарда тиын жасап жүрген агенттер мен функционерлер жаппай тексеріле бастады. Антикор мен Қаржы мониторингі агенттігі футбол спецификасын түсінетін консультанттар тауып, мәселені аяғына дейін жеткізбек.

ФИФА рейтингінде Қазақстан Тәжікстан мен Суданнан қалып қалғандықтан, құраманы жаңа деңгейге жеткізу бойынша үлкен жоспар қабылданып отыр. Ол үшін Федерацияға лайықты басшы керек. Онымен бірге ортанқол деңгейдегі бапкер шақыру практикасы да тоқтайтын болады.

"Екі вариант қабылданды. Біріншісі - құрамаға Моуриньо деңгейіндегі әлемдік бапкер алдырып, оның гонорарын Тимур Құлыбаев, Вячеслав Ким сияқты олигархтарға төлету. Екіншісі - құраманы Талғат Байсуфинов, Нұрбол Жұмасқалиев сияқты қазақ мамандарына беру", - дейді, дереккөз.

Бюджет дефициті жағдайында және олигархтар активтерін мемлекетке беріп, артық ақшасыз жүрген кезде Моуриньоларды шақыру қиын соғатын сияқты. Сондықтан "Сол жағалауға" Жұмасқалиев идеясы көбірек ұнап отыр. Бізге тез арада 2026 жылғы Әлем чемпионатының іріктеу ойындарына дайындықты бастау керек.

Черчесовтың құрама басшылығында санаулы күндері қалғаны анық. Бәрменқұлов кеткендіктен, Станислав Саламұлын қорғайтын адам табылмады. Қазақ тілімен қалжыңдасам деп, ресейлік бапкер халық қолдауынан айрылды. Артық сөйлеп, экс-бапкер, әріптесі Магомед Адиевті де ренжітті.

Футбол жаңалықтарынан қалыс қалмаңыз👇

https://t.me/dalainside

⏳ «Тұрсынбаевадан бастаймыз»: құзырлы органдар халықтан ақша жинаған жұлдыздармен айналыспақ

«Біз біргеміз» қорының құрылтайшысы Перизат Қайрат ісінен кейін, құзырлы органдар халықтан ақша жинаған және қазір де жинайтын, желіде танымал, аудиториясы үлкен адамдарға тексеріс жүргізу бойынша жабық консультациялар өткізе бастады. Келесі жылдан бастап Қаржы мониторингі агенттігі осы істің басты координаторы болуы мүмкін. DALA INSIDE дереккөзінің айтуынша, аузы дуалы жұлдыз болып жүрген біраз адамның былығы ашылуы ғажап емес.

«Қайырымдылық қорлар ғана емес, ешқандай қорсыз-ақ аудиториясынан ақша жинап жүрген, курс, басқа да заттар сатып жүргендердің арнайы реестрі туралы жабық талқылаулар жүруде. Ал қорлардың жағдайы түсінікті. Олар келесі жылдан бастап қатаң қадағалауға алынатын болады»

Тексерілетін тізімді Айнұр Тұрсынбаева, Құралай ханым, Қуаныш Шоңбай сынды коуч, курс сататын тұлғалар бастайтыны анық. Олардың банктік транзакциялары тексеріліп, салық төлеу дисциплинасына мониторинг жасалады деп күтілуде. Ақша кімнен және қайдан түсті, ақша жібергендер тиісті қызмет алды ма, ол табыстан салық төленді ме, барлығы микроскоппен қаралмақ.

«Ресейдегі «Блиновская кейсі» бізде де қайталанады. Қазақтың түрлі коучтары, блогерлері, қазірден бастап осыған дайын болуы тиіс», - дейді, дереккөз.

2023 жылы Ресейде «Тілек марафонын» өткізіп жүрген, ең атышулы блогер Елена Блиновская шетелге кетіп бара жатқан жерінен ұсталған болатын. Оған 918 миллион рубль салықтан жалтарды деген айып тағылып, алдымен үйқамаққа, одан кейін тергеу изоляторына жөнелтілген еді. Қазір Блиновская 918 миллион рубльдің 230 миллионын өтеді. Қалған қарызды төлей алмай, банкрот деп танылып отыр.

Отандық жұлдыздар да Блиновская кебін киюі мүмкін. 2025 жылы бірнеше дүркіреген сот процесі өтеді деп күтілуде. Оның барлығын ютубта ашық өткізу бойынша идеялар қолдау тауып отыр. Тек тиісті нормативтік актілерге өзгеріс енгізу қажет.

DALA INSIDE бұл құбылысты бақылап отыратын болады. Бізге жазылып алыңыздар👇

https://t.me/dalainside

⚡️ Поләк шендісі: Киев? Батыстан жеткен көмектің тең жартысы жымқырылған...

Польшаның экс-Еңбек министрі Петр Күлпаның айтуынша, Киевтің шенді-шекпенділері Батыстан жеткен көмектің жұлма-жұлмасын шығарған.

"Батыс елдері аузынан жырып берген қып-қызыл ақшаның тең жартысына жуығы (30-50%-ы) "ұстағанның қолында, тістегеннің аузында" кетті. Ұрланған ақшаның көлемі Украинаның бір жылдық бюджетіне пара-пар" – дейді Күлпа.

Поләк шендісінің сөзін Кремльге тиесілі Sputnik агенттігі таратып жатыр.

Ақпараттың рас-өтірігін анықтайтын боламыз.

https://t.me/dalainside

🕛 Тарихи негізделген UTC+5 уақыт белдеуіне қайта оралу – ұлттың табиғи биоритмін қалпына келтіруге қадам

Қазақстандағы уақыт белдеулерінің өзгеру тарихы еліміздің тарихымен және саяси шешімдерімен тығыз байланысты, оларды алдымен патшалық Ресей, кейіннен кеңестік билік қабылдады. Кеңес заманында ел декреттік уақыт бойынша өмір сүріп, әртүрлі аймақтарға байланысты әртүрлі уақыт белдеулерін қолданды.

Елімізде уақыт белдеулерінің өзгеру тарихын талдай отырып, ең ұзақ қолданылғаны – дәл осы UTC+5. Және, елдің географиялық орналасуын ескерсек, бұл уақыт белдеуі ең тиімді болып табылады.

Уақытты бір сағатқа алға жылжыту табиғи өмір ритмдеріне қайта оралуға мүмкіндік берді, биологиялық сағаттарды синхрондап, ресми уақыт пен күндізгі уақытты барынша жақындастырды.

⚡️ Перизат Қайраттың ісі: Динара Сәтжан бірнәрсе біледі...

Белгілі тележурналист Динара Сәтжан қайырымдылыққа жиналған 1.5 млрд теңгені қалтаға басты деп күдіктелген Перизат Қайратқа қатысты пікір білдірді.

DALA INSIDE әдетте әлемжелідегі жазбағаларға жүгіне бермейді. Дегенмен, Динара бөліскен инсайд АФМ-ның блогерге бекерден-бекер шүйлікпегенін дәлелдейтіндей.

"3 жыл бұрын Перизат Қайрат менен Астанада қайырымдылық кешін өткізіп беруімді сұрады. Дүкенімізден аукционға зат беріп, шоу-бизнестегі аға-тәтелерді шараға шақырып беруімді өтінді. Кеш мақсаты - елордада ерекше балаларға арналған оңалту орталығын салуға қаражат жинау деп түсіндірді. Сауапты іс болғасын, бірден келістік. Кеште "Аманат" партиясының өкілдері де болды. Көпшілік "Біз біргеміз" қорының партиямен байланысы бар деп топшылап жатыр, негізінде қордың партияға қатысы жоқ", - дейді Сәтжан.

Кейіннен Сәтжанның "Орталық қалай? Салынып бітті ме?" деген сұрағына блогер тиіп-қашып жауап қатқан.

"Биылғы ауызашарда тағы кездестік. Астанадағы екі танымал гүл бизнесін сатып алғанын айтты. Екі брендтің негізін қалаушыларды танимын. Бизнесті нөлден бастап, өз еңбегімен өскен адамдар. Сол кезде: "Перизат, мұнай кен орнын тауып алдың ба?" деп әзілдеген едім. АФМ? Қаржы мониторинг агенттігінің құрығы ұзын", - дейді тележурналист.

Айтуынша, ескі Қазақстанның активтерін жеті қат жер түбінен тауып алып жатқан агенттіктен бірнәрсе жасыру мүмкін емес. Сәтжанның пікірінше "Перизат ісінен" кейін қайырымдылық қорларының 🧮 есеп-қисабын асты-үстіне түсіріп, ақтару керек. Сенімді қорлардың тізімі болғаны да дұрыс.

💬 "Перизат? Шыны керек, оның қорына ақша аударған азаматтар қазір қатты өкініп отырған болар. Өйткені біздің қанымызда көмектесуге деген ұмтылыс бар! Ал қайырымдылық экономикасы ашық және мөлдір болуы тиіс", - дейді Динара Сәтжан.

DALA INSIDE-қа жеткен мәлімет бойынша Перизат Қайраттың ісі ашық сотта қаралуы мүмкін. Билік осы арқылы алаяқтық фактінің нақты орын алғанын дәлелдемек.

Айта кетелік, бұған дейін Қаржы мониторинг агенттігі танымал блогер, "Біз біргеміз Қазақстан" қайырымдылық қорының құрылтайшысы Перизат Қайратқа қатысты тергеу жүргізіп жатқанын хабарлаған. Агенттіктің атап өткеніндей, блогер көктемгі су тасқынынан зардап шеккендерге көмекке жиналған 1,5 млрд 🏣-ден астам қаражатты жымқырған.

Ал Ақпарат министрі Аида Балаеваның айтуынша алдағы уақытта халықтың қайырымдылыққа ақша жинау мәселесі қайта қаралады.

DALA INSIDE жағдайды бақылап отыр, бізге тіркелуді ұмытпаңыз👇

https://t.me/dalainside