Қырғызстанда мешіт салу ережесі өзгереді. Енді азаматтар мешітті мемлекеттік органның рұқсатынан кейін ғана сала алады.

Қырғызстан билігінің айтуынша бұған дейін 1000-ға жуық мешіт биліктің рұқсатынсыз салынған.

“Бұрын азаматтар өз бетінше мешіт салатын, содан кейін барып қана оны тіркейтін. Енді барлығы керісінше болады. Мешіт салу үшін алдымен меморганнан рұқсат алуы тиіс болмақ”, - дейді қырғыз басылымдары.

Осы уақытқа дейін салынған мешіттердің ішінде 120-дан астам мешіт әлі ресми тіркеуін ала алмаған екен.