Maris Chaklays
(R.S. tarj.)

Sovg'a qil

Menga bu dunyoning shivirini sovg'a qil:
ortiq shovqinlarga to'zimim yo'qdir.
Shu bir tantanavot nutq,
shu bir gumburlagan ko'cha
pichirlashga urunib ko'rsin.

Magnitafon tasmasiga yozib olingan
yulduzlar suhbatini ilin menga.
Judayam qiziq, axir,
pichir-pichir qilib
nima haqda so'zlashar ular?

Ular, faqat, qichqirmas:
ular shusiz ham ulkan.

Menga unutilgan, noayon
birgina so'z sovg'a qila qol.
Arzimasgina bo'lsin;
qirov qo'ngan butoqdagi
so'nggi yaproq shitiriday
bemajol bir so'z...