Ничек дөрес тукланырга?

▪️Итне күп ашарга тырышмагыз. Әлбәттә, рационнан алып атарга ярамый, чөнки ул аксым чыганагы булып тора.

▪️Майлы диңгез балыклары – скумбрия, сардина, сөләйман, сельдь, иваси омега-3 кислотасына бай. Аларны атнасына 300-400 гр кулланыгыз.
Йомырка да аксым чыганагы, атнасына 2-3 йомырка ашарга кирәк.

▪️Сөт продуктлары сөякләр өчен мөһим булган кальцийга бай. Көненә 100 гр майсыз эремчек ашагыз. Сыр белән артык мавыкмагыз. Аңарда май, тоз һәм холестерин күп. Сөт эчәргә яратсагыз, көндәлек норма 300-400 гр нан артмасын.

▪️Көненә 200 гр кефир эчәргә ярый. Аны йоклар алдыннан эчүең хәерлерәк.
Магний һәм калийга бай ризыклар белән тукланыгыз. Аларга дөге, тары, солы, кара җимеш, күрәгә, кәбестә, кишер, бәрәңге, сөт, чикләвек, сыер ите, ипи керә.

▪️С һәм Р витаминнары да кирәк. Алар гөлҗимеш суында, әфлисунда, киви, баллы борычта, кара карлыганда, петрушка, укроп, яшел суган, крыжовникта бар.