Сөз маржаны

Әкесин сыйлаған қыз

Асқар таўыңызды сыйлайсыз қатты,
Күшли болар қыз перзенттиң меҳири.
Гөззал тәрбияңыз ҳүрмет оятты,
Қәлбиңизге нур қуйыпты тәңирим.

Әкесин ҳүрметлеп, қәдирлеген қыз,
Жақсы ҳаял болар қурса шаңарақ.
Урпағысыз Қумар ананың нағыз,
Бахыт сыйлар қәлбиңдеги шамшырақ.

Әкесин сыйлаған қызлар, иншалла,
Әкеге мийримли туўар ул-қызлар.
Тәрбия уяда сиңип инсанға,
Көп күттирмей инам етер алғыслар.

Уллы екенлиги әкениң жолы,
Уқтырылар кеңесинде ананың.
Тутқан жолыңызға кеўилим толды,
Сизди тәрбиялы перзент санадым.

26-апрель, 2024
Бахытлы Сарыбаев
@BaxitliSaribaev

https://t.me/Soz_marjani

«ЖАҚСЫ СӨЗ САДАҚА»

#Ибратлы

    Ҳаялы ерине айтты:
    – Мендеги сизге унамайтуғын ҳәм өзгериўим керек болған қәсийетлеримниң ҳәммесин жазып берсеңиз. Мен ағза болған ҳаяллар жәмийети соны сорап атыр.
    Ери бир қағазға жазды: «Мен ҳаялымды қалай болса солай сүйемен. Онда ҳеш қандай айып көрмеймен». Ол бүкленген қағазды ҳаяллар жәмийети талап қылғанындай ҳаялына берди.
    Кеште ери үйине келгенинде ҳаялы оны бир қушақ гүллер менен күтип алды. Оның көзлеринде қуўаныш көз жаслары жылўаланатуғын еди. Ол ерине: «Бул мениң ушын күтилмеген саўға болды. Әсиресе, бул мақтаў жазылған хатты көпшиликтиң арасында ашқаным…».

    Ери айтады:
    «Ҳаялымның оннан артық айыплары бар еди. Бирақ мен соны билдим, ол айыпларды айтыў арқалы оны улыўма дүзетип болмайтуғын екен». Ең қызығы сонда, оның ҳаялы жетпис пайызға өзгерди.

    Айыпларды айтыў жек көриў, душпанлықты пайда қылады. Мақтаў болса муҳаббат ҳәм қуўанышты пайда қылады. Үй ҳәм шаңарақта унамлы энергия ҳасыл қылады.

    Расулуллаҳ саллаллаҳу алайҳи ўа саллам: «Жақсы сөз садақа», деген.

   
https://t.me/Soz_marjani

АҚЛЫҒЫМА ..

Кеше келсам аўылдан ,
Жуўырып шықты алдымнан ,
Гә жылайды ,гә куўанар ,
Қушақлап алған мойнымнан .

Сонша неге көпке кеттиң ,
Сенсиз ,,әже ,,қыйналып кеттим ,
Х,еш ким кеўил бөлмейди ,
Барыма ,жоғыма мениң..

Сен кеткен куни оқыўдан келдим ,
Сени кетип қалды - деди
Отырып алып жыладым
Таслап кеттиң неге мени??

Әже уйде болмасаң ,
Болмайды мениң мазам ,
Ҳәр куни мени өзиң ,
Қуўанып кутип алған..

Сен жоқта х,еш ким кутпеди ,
Келдиңбе шырағым демеди ,?
Анам берип ыссы шайын ,
Сабағыңды таярла деди..

Узаққа енди кетпе ,Әже ,
Кетсең алып кет мениде ,
Егер таслап кетеғойсаң ,
Қапа боламан сизге ..

Ақлығыма ўәде бердим
Жанымнан да артық көрдим ,
,Аман болың алдымда ,
Мехрибаным шукирлерим...

Перихан .Аймуратова.
Ташкент қаласы..
18 .декабрь 2024 ж

https://t.me/Soz_marjani

Ырымын жасап атырғанымыз-ғой.

Кешеги дүзимниң ўақты.Пахта отағының ўақтында той-мереке тоқтайды.Тоқтайды деген аты болмаса,бирли ярым адамлар еплеп мерекесин бере береди.
Бригадир Нәмет аға өз аўылында сондай бир тойдан шығып киятырса ,үлкен жолды шаңғытып локкибай машинасының киятырғанын көреди де, өзин сийреклеў жыңғылдың арасына урады .Район басшысы оны байқап қалған екен.
Ол жатқан тусқа келгенде машинасын тоқтатып:
-Ҳәй кимсең,"Не ислеп жатырсаң"??-депти.
Сонда Нәмет аға.
-Нәм-нәған адамсыз.Биз сизди сыйлап жасырыныў ырымын иследик ғой.
Беглигиңди бузбай кете бермейсиз бе?-,деген екен.

Қ.Оспанов.

https://t.me/Soz_marjani

#Ҳикая

ҚАҢҒЫБАС ПЕРЗЕНТТИҢ ӨКИНИШИ

   Мен жаслығымнан үйге кеш қайтыўға әдетленген едим, қопал қылып айтқанда қаңғыбас едим. Бул анама жақпайтуғын еди. Жағдай усылай даўам етебергенинен кейин анам ҳәр күни музлатқыштың есигине бир қағазды жабыстырып қоятуғын болды. Ол қағазға аўқат, нан ҳәм басқа нәрселердиң турған жерин, маған табыўға аңсат болыўы ушын жазып қоятуғын еди. Күнлер өтип анамның ескертиўши қағазлары раўажланып барды. Онда енди базы талап, илтимаслар ҳәм кийимимниң кирлегенлерин кир машинаға салыўым, әҳмийетли ислердиң ўақты ҳәм басқа нәрселер жазылатуғын болды.
   Өкинишли жигитшилик дәўиримниң көп бөлеги усылай өтти. Бир күни оғада кешиктим, анамның жазғанын әдеттеги орнында көрдим, бирақ оқыўға ериндим ҳәм уйқыға жатып қалдым. Азанда әкем мени көзлери жасланған ҳалда оятты, ҳайран болып ояндым.
   "Улым анаң дүньядан өтти!" - деди. Бул хабар маған оғада қатты тәсир етти. Анамды жерледик, кешқурын үйге кирип төсекке аяғымды созып атырып анамның жазғанлары есиме түсти. Жуўырып барып музлатқыштың есигине қыстырылған қағазды, анамның ең ақырғы жазған хатларын қолыма алсам, бул хатта ҳеш қандай буйрық ямаса тәлиймат жоқ еди... Өкинишли...!
  Хатта тек усылар ғана бар еди:

   "Балам бүгин аўырыңқырап турыппан, қашан келсең де мени оятып емлеўханаға алып бар сеннен илтимас..."

https://t.me/Soz_marjani