🌸 Жұлдыздың Жазбасы 🌸

«…Егер олар тәубе етсе, онда олар Мені өздерін сүйетін күйде табады,
себебі шындығында Мен тәубе етушілерді жақсы көремін
және тазаланушыларды жақсы көремін.

Алайда, егер олар тәубе етпесе,
онда Мен – Шипа Берушімін,
оларды күнәлі кемшіліктерінен тазартамын,
оларды сынақтар мен қиындықтар арқылы тазартамын.»

дружба – это насыха (искреннее наставление). 🌸

Энергияны, шабытты сақтау жолы🤍⬇️

Егер бір нәрсе жасайтын кезде, ол ісім Алла үшін болмаса, маған оны жасаудың қажеті жоқ. Егер ашуым Алла үшін болмаса, маған ашуланудың қажеті жоқ. Егер айтылатын сөздерім Алла үшін болмаса, ол сөздерді сыртқа шығарудың қажеті жоқ. Егер мен бір адамды Алла үшін сүймесем, онда маған сүюдің қажеті жоқ.

Қашан амалдарым Алла үшін болады, қашан шынымен Алланы танып, жақсы көріп, Оны ұлықтап бастаймын, қалған дүние маңызын жоғалтады. Бәрін Алла үшін жасап, энергияға, қуатқа толып, жаңа шабыт алып бастаймын…❤️

Өмірде токсик адамдар өте көп…Үнемі налып, шағымданып, ренжіп жүретін, әрі кеңес айтсаң, ол кеңесті қабылдағысы келмейтін, қарсыласатын адамдар өте көп. Сондай жандардың қасында болсаңыз, ол мінездер сізге де беріле бастайды. Аурамыз өте ауыр болып, басқа адамдармен танысу, олардың жақсы тұстарын көру, мойындау қиын болып бастайды. Шағымдану мен ренжуді, ғайбатты норма деп қабылдап бастаймыз. Тіліміз ол сірә уланып бастайды.

Сондықтан өтініш, кіммен сөйлесесіз, кімді жақсы көресіз, жақын тартасыз- бәріне қараңыз…(өзіме де ескерту)📌🤍

✨ Зікірлер рухани иммунитет қалыптастырады. Иммунитет күшейсе бәле-жала келмейді, келсе де аса әсерін тигізбей өтіп кетеді📿

Юнус (а.с) бәле келмей тұрып та дайым зікір етуші құлдардан еді, ал Перғаун бәле келген кезде ғана зікір етіп бастады…Екеуінің соңы қалай болғанына куәсің!

Сен жәй, тыныш кездеріңде Алланы көп зікір ет, намаз арқылы жақсы бір құл екеніңді Оған көрсет, басыңа іс түскенде Ол да сені көрсін…🌷

Айналаға (адамдарға ғана емес) қаншалықты садақа берсеңіз, соншалықты аласыз.
Сараң - өзіне сараң!

Әр уақытта беруді емес, алуды ғана ойлау немесе әуелі алуға ұмтылу - табиғат заңдылықтарына қарсы шығу. Міне, сондықтан адамда өзін таппау пайда болады!

Алланы “Алла” - деген мәртебесінде тани алмаған адам, оған құл болғысы келмейді!

“Назарат фил ислам”

Шейх Абдулла Драздың ислам құлшылықтары жайлы терең ойларын қамтыған кітабы.📚

Алла бізге оразаны парыз етті. Бізді қинау үшін емес. Бізді тәрбиелеу үшін. Оразаның мақсаты аятта келгендей: “Ләғәлләкум таттақун” (Бәлкім тақуа боларсыңдар) сөзі. Бәлкім аш боларсыңдар, бәлкім қиналарсыңдар деп айтпады. Егер оразаның мақсаты ашығу ғана болса, онда ауызашар уақытын құптанға дейін соза берумен сауап алар едік. Бірақ әсте олай емес. Ауызашар уақытын созған сайын керісінше күнә аламыз.

Ораза Алланың ерекше бір парыз еткен құлшылығы. Өйткені ол құлшылық таң атпастан басталып, күн батқанға дейін жалғасады. Оразаның да ерекше тұсы осыда. Намазда Алламен сырласып ләззат аларсың, қажылықта өзінің рәсімдерін орындап, ғибадатты сезінесің. Зекетте де садақа іспетті ізгі амал жасап жатқаныңды сезесің.

Ал оразада тек ашығып жүрумен ғана құлшылық қалай сезіледі? Әрбір сәтіңде “Маған ішіп-жеуге болмайды” деген Алланың бұйрығын жадыңда ұстап тұрасың. Сені ешкім көріп тұрмаса да су-тамаққа жоламайсың. Мені Алла көріп тұр ғой деген тақуалықты бойыңа сіңдіресің.

Мүмкін Рамадан айында біз өзіміздің нәпсімізді танимыз?

Ораза айында дін өкілдерінің көп келтіретін уағызы - нәпсінің Алланы тек 3 реттен орындауы жайлы. 1000 жыл отқа салса да, 1000 жыл суыққа салса да Жаратушыны мойындамай қояды. Үшінші рет аштыққа салғанда нәпсі - Раббысын мойындаған.

Негізі нәпсі өзін әрқашан Құдай сезінгісі келеді. Сол себепті адамдардан - “мен жасадым”, “менің арқамда”, “мен болмасам” - деген, әңгіме естіп жатамыз. Бір қызығы бұл сөздер Аллаға жарасады, ал нәпсіге түкте жараспайды.

Рамазан айында жын-шайтандардың кісенделетіндігін хадистен білсек, сонда нәпсіні тану үшін өз ойларымызды анализ жасап көрсек болады.

Өз-өзіңізден шошып кетпеңіз.

Осы Есімдердің қайсысы жүрегіңізгі жылу сыйлады? Сол есімнің көрінісі болуға ұмтылыңыз😍

💫МАУСЫМ БАСТАЛАДЫ!💫

Бұл Рамазан – сіздің ерекше маусымыңыз. Бұл – рухани жаңғыру, жүректерді біріктіру және ізгілік жарысын бастау кезеңі. Әрбіріміз қасиетті есімдердің көрінісі болуға ұмтылайық:

🌴 Әл-Ахад (Бір, Жалғыз) – адамдарды біріктіріңіз, жүректерге иман нұрын себіңіз.

🌴 Ан-Нур (Нұр шашушы) – ақпаратты қолжетімді, шабыттандырушы етіңіз және білім таратыңыз.

🌴 Ар-Рахман (Аса Рахымды) – мұқтаж жандарға ауызашар мен балаларға сыйлық ұйымдастыруға демеушілер табыңыз.

🌴 Әл-Ғаффар (Кешіруші) – дастарқаныңызды тек тамақпен емес, шынайы махаббатпен толтырыңыз. Пайғамбарымыздың (с.а.с.) сүннетіне сай тальбина мен қарапайым әрі пайдалы тағамдарды ұсыныңыз.

🌴 Әл-Муид (Қайта оралтушы) – өздерін ұмытылған сезінген жүректерге мейірім сыйлаңыз.

🌴 Әс-Сәлам (Тыныштық пен бейбітшілік беруші) – әр адамның жаратылыстағы мәртебесін сезінуіне көмектесіңіз.

🌴 Ан-Нафи (Пайдалы етуші) – уақытты, күшіңізді, ресурстарыңызды мәңгілік құндылықтарға бағыттаңыз.

🌴 Ар-Рашид (Тура жол көрсетуші) – Құранның рухани күшін адамдардың жүрегіне жеткізіңіз.

🌴 Әл-Қуддус (Кемшіліктен пәк) – садақаларыңызды арттырыңыз, зікірлерге көңіл бөліңіз.

🌴 Әл-Барр (Ізгілік пен қайырымдылық иесі) – адамдарға құлшылықты жоспарлауға көмектесіңіз, Дуһа намазын көбейтіңіз.

🌴 Әл-Уарис (Мұрагер) – бай-қуатты жандарды қайырымдылыққа ынталандырыңыз, Аууабин намаздарын арттырыңыз.

🌴 Әл-Азым (Ұлы, Ғажап) – бұл сіздің маусымыңыз! Жүрек – бүкіл денеге қан тарату үшін үздіксіз соғатын негізгі күш. Сол сияқты, сіз де айналаңыздағы адамдарды рухани жандандырыңыз, жақсылықты қозғаушы күш болыңыз!

🌙 Рамазан 2025 сіздің жүрегіңізде, өміріңізде ерекше орын алсын!❤️

Біз кейде қалағанымыз орындалмай қалса, «менің тілегім қабыл болмай жатыр» деп асығамыз. Құдайға тіл тигіземіз. Кейде шаршап, қолды бір-ақ сілтейміз. Тілек тілеуді, дұға жасауды ысырып қоямыз. Бірақ сол дұғаға Құдай емес, өзіміздің мұқтаж екеніміз есімізден шығып кететін сияқты...
⠀
МЫНАҒАН ҚАРАҢЫЗШЫ!
👇👇👇

Ғұлама Фудайл ибн Ъияд былай дейді:
"Бір күні мен мешітке жаяу бара жатыр едім, жолдағы үйлердің бірінен анасының ұлына айқайлап, оны жазалап жатқанын байқадым. Арада көп уақыт өткен жоқ, есік айқара ашылды да, үйден әлгі бала жүгіріп шығып, қашып кетті. Анасы да ашуланып, есігін ішінен жауып алды. Дəл сол күні кешкісін үйге қайтқанда əлгі үйдің жанынан өттім. Әдейі жақындап көріп ем, бетін жас жуған әлгі бала табалдырыққа отырып ұйықтап кетіпті. Тасаланып артын күтпекке бекіндім. Анасы қайта-қайта терезеге қарап, қиналып жүрді де, ақыры есікті ашып, баласын құшақтап үйіне кіргізіп алды"

Фудайл ибн Ъияд осыны айтқаннан кейін ұзақ жылады. 😭 Сөйтті де: "Алла пəк! Егер құл Алланың мейірім қақпасының алдында дəл осылай сабыр сақтап, дұға есігінің алдынан кетпей тұрып алса, Алла оған міндетті түрде сол есікті ашар еді ғой" - деді...💔