Ал сапарлардың арасындағы рангы жоғарысы – ресми іс-сапар. Астанаға біреу ресми іс-сапармен келсе, оны әуежайдан кем дегенде премьер-министрдің бірінші орынбасары күтіп алуы тиіс. Онымен қоса әуежайда Республикалық гвардия сапқа тұрғызылады. Келген қонақ ресми сапар кезінде өзімен бірге үлкен делегация алып келеді – министрлер, бизнесмендер, ірі компания басшылары және т.б. Ресми сапар жасалыну алдында сол сапарда қол қойылатын көптегее келісімшарттар жасалынып қойылады және соның барлығына ресми сапар кезінде келген қажетті адамдар құжаттарға қол қойып шығады.

Ресми сапар кезінде қонаққа үлкен құрмет көрсетіледі және президент резиденциясында кешкі ас та беріледі.

Ал одан да жоғарғы рангтағы сапар бар. Ол – мемлекеттік іс-сапар. Тоқаев президент жұмысына кіріскен соң әр елге бір рет қана МЕМЛЕКЕТТІК сапар жасауына құқығы бар. 2019 жылы сайланса, сол жылы Қытайға мемлекеттік сапармен барып қойса, келесі рет Қытайға мемлекеттік сапармен бару үшін тағы бір сайлауда жеңгенін күтуі тиіс.