Мен жалпы әрқашан көтеріліске шыққан халыққа көбірек симпатия танытамын. Сол себепті Сирияда да солар жеңіске жеткенін іштей қалаушы едім (ал былай білемін, олардың жеңісі де, жеңілісі де менің өміріме ешқалай әсер етпейді).

Алайда, сол 2017 жылдары мен Сирияда басшы болып әрқашан Башар Асад қалатындығын білдім. Ол да өз әкесі сияқты билікте қайтыс болғанша отыруы тиіс (Хафез Асад 29 жыл биледі, 2000 жылы қайтыс болғанша).

2023 жылы Араб елдері лигасы Асад бастаған Сирияны 2011 жылы шығарып жібергелі бері алғаш рет өз қатарына шақырды. Міне, Башар Асад билікте толыққанды қалғаны жайлы айтатын тағы не болуы мүмкін?