BASSPORT

@bassportkz

Kanal geosi va tili: Qozog‘iston, Qozoqcha

Toifa: Sport

БАСТЫ СПОРТ ЖАҢАЛЫҚТАРЫ

Связанные каналы | Похожие каналы

Kanal geosi va tili

Qozog‘iston, Qozoqcha

Toifa

Sport

Statistika

Saralanganlar

Postlar filtri

O‘chirilganlarni yashirish

Repostlarni yashirish

BASSPORT

24 Nov, 11:23

🎟️ «Астана» мен «Челси» ойынының билеттері сатылымда

Бүгіннен бастап «Астана» футбол клубы мен ағылшындық «Челси» командасы арасындағы тартысты ойынның билеттері сатылымға шықты. Бұл туралы клубтың ресми парақшасында хабарланды.

Клуб мәліметінше, матчқа қызығушылық жоғары болғандықтан, билет сатылымы кезінде қауіпсіздік шаралары енгізілді:

1) Бір адамға 4 билетке дейін сатылады. Сатып алу үшін электрондық пошта, телефон нөмірі және несие картасын тіркеу қажет.

2) Билеттер тек жеке тұлғаларға рәсімделеді, әрбір келушінің мәліметтері тапсырыс беру кезінде көрсетілуі тиіс. Матчқа кіру үшін жеке басын растайтын құжат қажет болады.

3) Матчқа қатысуға арналған QR коды бар электрондық билеттер матч күні сатып алушының электрондық поштасына жіберіледі.

4) Билеттерге сұраныс жоғары болған жағдайда, www.zakazbiletov.kz сайтында онлайн кезек жүйесі іске қосылады.

Айта кетейік, УЕФА Конференциялар лигасының топтық кезеңі аясындағы бұл матч 12 желтоқсан күні, сағат 20:30-да Алматыдағы Орталық стадионда өтеді.

26 0 0

BASSPORT

24 Nov, 08:57

🥊 Қазақстандық әлем чемпионы кәсіпқой бокс үшін Азия чемпионатынан бас тартты

Қазақстандық боксшы Теміртас Жүсіпов «ІВА чемпиондарының түні» турнирінің финалында кездесу өткізеді, деп хабарлайды Bassport.kz 1bol.kz сілтеме жасап.

Бокс кеші 12 желтоқсан күні Бахрейнде өтеді. Теміртас Жүсіпов аталған ұйымның нұсқасы бойынша әлем чемпионы атағына таласады.
Оның қарсыласының есімі әзірге белгісіз.

Айта кетейік, Жүсіпов 29 қараша мен 11 желтоқсан аралығында Чиангмайда (Таиланд) өтетін Азия чемпионатына қатысу құқығына ие болған. Дегенмен, ол ІВА турнирінің финалына қатысу үшін құрлықтық біріншіліктен бас тартты.

Азия біріншілігінде оның орнын Санжар Тәшкенбай басады. Бұл туралы құраманың бас бапкері Қайрат Сәтжанов мәлімдеді.

Жүсіпов 2021 жылғы әлем чемпионы, Азияның екі дүркін чемпионы (2013, 2019), сонымен қатар Бүкіләлемдік бокс сериясының жеңімпазы (WSB).

40 0 0

BASSPORT

23 Nov, 16:58

⛸️ Михаил Шайдоров Қытайдағы Гран-приде күміс жүлдеге ие болды

Михаил Шайдоров Қытайдың Чунцин қаласында өтіп жатқан мәнерлеп сырғанаудан Гран-при турнирінде 2-орын алды, деп хабарлайды Bassport.kz ҚР Туризм және спорт министрлігі Спортты дамыту дирекциясының баспасөз қызметіне сілтеме жасап.

Ұлттық құраманың көшбасшысы қос жаттығудан кейін 276.17 балл жинады. Кеше Михаил қысқа бағдарламада 93.21 ұпай жинап, 2-орынға тұрақтаған. Бүгін еркін сайыста отандасымыз 182.96 балл алып, басымдығын сақтап қалды.

Еске сала кетейік, былтыр Шайдоров осы жарыстың қола жүлдегері атанған.

Ерлер арасында Шун Сато (Жапония) 278.48 ұпаймен жеңіске жетті. Үздік үштікті француз Адам Сяо Хим Фа түйіндеді. Биыл турнирге барлығы 15 елден 60 спортшы қатысты.

43 0 0

BASSPORT

23 Nov, 16:49

🥋 IBSA Judo Astana Grand Prix: Бірінші күннің қорытындысы

Пара дзюдодан Астанада өтіп жатқан Grand Prix бәсекесінің алғашқы жарыс күнінде 9 салмақта жүлде үлестірілді. Қазіргі сәтте бейтарап спортшылар 4 алтын иеленіп, көш бастап тұр. Одан бөлек, Испания, Грузия, Ұлыбритания, Қырғызстан, Германия елдері де бір алтыннан еншіледі.

Ал Қазақстан атынан сынға түскен спортшыларымыз 4 күміс, 4 қола жеңіп алды.

Толығырақ

36 0 0

BASSPORT

23 Nov, 15:50

🥇 «Астана» 1XBET QFL лига кубогының алғашқы жеңімпазы атанды

Түркістанда 2024 жылғы 1ХВЕТ QFL Лига кубогының бірінші маусымы аяқталды. Финалдық матчта «Астана» клубы «Жеңісті» 0:2 есебімен жеңді, деп хабарлайды Bassport.kz QFL.kz-ке сілтеме жасап.

Негізгі уақытта «Астана» клубы үстемдікке ие болғанымен, 90 минутта есеп ашылмай, 0:0 есебімен аяқталды. Кубоктың тағдыры тек овертаймда ғана шешілді. 104-ші минутта Карло Бартолец есеп ашса, 120+1 минутта гвинеялық шабуылшы Усман Камара есепті ұлғайтты.

Айта кетейік, «Астана» 1ХВЕТ QFL Лига кубогындағы жеңісі арқылы өз тарихындағы жүлде санын 17-ге жеткізді. Бұндай жетістікке әзірше өзге отандық клубтар жетпеген. Елордалық ұжым финалға дейін «Каспий» мен «Шахтерді» жеңіп, D тобында көшбасшы болды. Ал жартылай финалда матч соңындағы пенальти сериясы арқылы «Елімайдан» басым түсті. Кубокпен қатар, Григорий Бабаянның шәкірттері 90 миллион теңге сыйақы алса, «Жеңіс» клубы 50 миллион теңгеге иелік етті.

36 0 0

BASSPORT

23 Nov, 14:26

💰ФИФА-ның бұрынғы президенті: “Мен монстр жасадым”

ФИФА-ның бұрынғы президенті Йозеф Блаттер халықаралық футбол ұйымының қазіргі жағдайы туралы өз пікірін білдірді, деп хабарлайды Bassport.kz.

“Мен монстр жасадым. Мен ФИФА-да даму бағдарламаларының директоры болып 1975 жылы жұмыс істей бастаған кезде ұйым өте кедей еді. Мысалы, adidas сияқты демеушілер ешқандай ақша төлемейтін – олар тек доптар мен футбол формаларын беретін. Алғашқы ақшалай демеушілік келісім 1976 жылы Coca-Cola-мен жасалды. Кейін қоғамдық телеарналар жарнама көрсетуге рұқсат берді. Сол кезден бастап футбол телеарналар үшін үлкен ақшаға сатылатын суперөнімге, супершоуға айналды,” – деді Блаттер Watson-ға берген сұхбатында.

88 жастағы швейцариялық Йозеф Блаттер 1998 жылдың маусымынан 2015 жылдың қазанына дейін ФИФА-ны басқарды.

41 0 0

BASSPORT

23 Nov, 11:58

⚽️ Лига Кубогінің финалында “Жеңіс” пен “Астана” бақ сынасады

Бүгін, 23 қарашада, Түркістанда Лига Кубогiнiң финалдық матчы өтеді. Алаңда елордалық “Жеңіс” пен “Астана” клубтары бақ сынайды, деп хабарлайды Bassport.kz.

Ойынның басталуы сағат 15:00-ге жоспарланған. Кездесуді тікелей эфирде Qazsport телеарнасы мен ҚФЛ-дің ресми сайты көрсетеді.

Айта кетейік, финалға жеткенше екі команда да 89 миллион теңгеден табыс тапты. Ал турнир жеңімпазы өз бюджетіне тағы 40 миллион теңге қосады.

39 0 0

BASSPORT

23 Nov, 11:15

00:24

Video oldindan ko‘rish uchun mavjud emas

Telegram'da ko‘rish

🐈 Абиба Әбужақынова: “Анама мысығымды қарағаны үшін айлық төлеймін”

Дзюдодан әлемнің екі дүркін жүлдегері Абиба Әбужақынова «Сырласу» тележобасына қатысып, жеке өміріне байланысты сұрақтарға жауап берді.

«Қазір ата-анам жұмыс істемейді. Анам бұрын мектепте мұғалім, әкем зауытта жұмыс істеген еді. Енді олардың ештеңеге алаңдамауын қалаймын», – деді дзюдошы. Әзілдей отырып: «Анам менің мысығымды бағып, менен жалақы алып отыр», – деп күлдірді ол сұхбат барысында.

Абиба Әбужақынова ата-анасының еңбегіне ризашылығын білдіріп, олардың енді қамсыз өмір сүруін қамтамасыз етуді өз міндеті деп санайтынын атап өтті. Танымал спортшының бұл қамқорлығы көпшіліктің жүрегін елжіретті.

43 0 0

BASSPORT

23 Nov, 10:05

Карло Анчелотти әлемнің үздік клубын атады

«Реал Мадридтің» бас бапкері Карло Анчелотти әлемдегі ең ұлы футбол клубы туралы сұраққа жауап берді, деп хабарлайды Bassport.kz Prosports.kz-ке сілтеме жасап.

«Көптеген топ-клубта жұмыс істедім, «Реал» – тарих, ұйымдастыру және талаптар бойынша әлемдегі ең ұлы клуб. Бұл жерде сіз ең бастысы алаңда табысқа жету екенін түсінесіз. Президенттің жұмысы керемет әрі клуб оның күш-жігерінің арқасында жеңіске жетті», - деп келтіреді Анчелоттидің сөзін beIN Sports басылымы.

Айта кетейік, Июиталиялық маман ірі чемпионаттардағы бапкерлік мансабын 1996 жылы «Пармада» басталды. «Реалға» дейін ол «Ювентус», «Милан», «Челси», «ПСЖ», «Бавария», «Наполи» және «Эвертон» клубтарын жаттықтырды.

47 0 0

BASSPORT

23 Nov, 08:56

😱 Конор МакГрегор сексуалдық зорлық ісі бойынша кінәлі деп танылды

UFC-дің экс-чемпионы Конор МакГрегор 2018 жылдың желтоқсанында Дублинде орын алған сексуалдық зорлық әрекеті бойынша азаматтық іс аясында Ирландияның Жоғарғы сотында кінәлі деп танылды.

Сот шешімі бойынша МакГрегор моральдық зиян үшін жәбірленушіге 250 мың еуро көлемінде өтемақы төлеуі тиіс.

Еске салсақ, Конор МакГрегорға 2018 жылдың желтоқсанда досы Джеймс Лоуренспен бірге Никита Ни Лаймхин есімді танысын зорлады деген айып тағылған болатын. МакГрегор жыныстық қатынас болғанын жоққа шығармағанымен, оның екі жақтың келісімімен болғанын алға тартты. Сот тыңдалымдары кезінде ол сол күні есірткі қолданғанын да мойындады.

44 0 0

BASSPORT

22 Nov, 19:34

🏒 “Барыс” өз алаңында аутсайдерден ойсырай жеңілді

Астанада өткен ҚХЛ чемпионатының кезекті матчында “Барыс” Хабаровскінің “Амурын” қабылдап, 0:3 есебімен жеңіліске ұшырады. Ойын “Барыс-Аренада” өтті.

“Амур” Шығыс конференциясының соңғы орнында тұрса, “Барыс” одан 5 ұпай артық жинап, 11-орында орналасқан еді. Алайда бұл көрсеткіш алаң иелеріне көмектесе алмады. Қонақтар басымдық танытып, сенімді жеңісіне қол жеткізді.

Бұл нәтиже “Барыстың” жағдайын қиындатып, турнирлік кестедегі орнын одан әрі нашарлатты.

47 0 0

BASSPORT

22 Nov, 16:59

Андрей Буяльский «Сарыарқа» сапына қайта оралды

Қарағандылық «Сарыарқа» хоккей клубы құрамын 24 жастағы шабуылшы Андрей Буяльский толықтырды, деп хабарлайды Bassport.kz

Андрей Буяльский ағымдағы маусымды «Барыс» командасында бастап, ҚХЛ (Континентальдық хоккей лигасы) аясында үш матчқа қатысқан. Өкінішке қарай, бұл кездесулерде ол ұпай жинай алмады. Алайда, хоккейшінің әлеуеті Қазақстан құрамасы сапындағы ойындарында көрінді. Азия чемпионатында ол үш матчта 2 (1+1) нәтижелі балл жинап, командасына үлес қосты.

Айта кетейік, бұған дейін, Андрей Буяльский 2018-2019 және 2019-2020 маусымдарында «Сарыарқа» сапында ойнаған болатын.

44 0 0

BASSPORT

22 Nov, 16:00

🚘 Ерасыл Қажыбаевқа облыс мәслихатының депутаты мен демеушілер жол талғамайтын көлік сыйлады

Астанада өткен «Қазақстан барысы-2024» турнирінің жеңімпазы Ерасыл Қажыбаевқа демеушілер тарапынан су жаңа көлік сыйға тартылды, деп хабарлайды Bassport.kz Abai Aqparat сілтеме жасап.

Белгілі балуанға «Tank» маркалы көлікті меценат, «TasGroup» компаниясының негізін қалаушы Дулат Тастекей мен облыстық мәслихат депутаты Қайырлы Қасенов табыс етті.

Өз кезегінде Ерасыл Қажыбаев көрсетілген құрметке алғыс білдіріп, жеңісін ел рухын көтеруге арнайтынын жеткізді. Бұған дейін турнир жеңімпазына Абай облысының әкімі үш бөлмелі пәтер тарту еткен болатын.

Айта кетейік, Ерасыл Қажыбаев ұлттық спорттың ірі додасында шымкенттік Ерсұлтан Мұзафаровты финалда жеңіп, үшінші рет ақтық сынға жолдама алған болатын. Бұған дейін ол 2018 және 2019 жылдары финалда жеңіліс тапқан еді. Биылғы жеңіс балуанның қажырлы еңбегінің нәтижесі екенін көрсетті.

48 0 0

BASSPORT

22 Nov, 15:17

Еркін Тапалов «Қайраттың» жаңа ойыншысы атанды

Қазақстандық қорғаушы Еркін Тапалов енді «Қайрат» сапында өнер көрсетеді. Клуб пен ойыншы арасындағы келісімшарт 2025 жылдың соңына дейін жасалды, ал келісімшартты тағы бір маусымға ұзарту мүмкіндігі қарастырылған, деп хабарлайды Bassport.kz

Тапаловқа бірнеше ҚПЛ клубы қызығушылық танытқанымен, футболшы Чемпиондар лигасында өнер көрсету мүмкіндігі үшін «Қайратты» таңдаған.

31 жастағы қорғаушы өткен маусымды «Тобыл» командасында өткізіп, 27 матчта екі гол соғып, төрт нәтижелі пас берген болатын.

Айта кетейік, алматылық клуб алдағы маусымда Чемпиондар лигасының іріктеу кезеңінде өз бағын сынайды.

49 0 0

BASSPORT

22 Nov, 14:18

⚽️ Зеленский “Қайраттың” экс-ойыншысын жазалады

Украина Президенті Владимир Зеленский мемлекеттік марапаттардан 34 адамды айыру туралы жарлыққа қол қойды, деп хабарлайды Bassport.kz Sportarena.kz сілтеме жасап.

Бұл тізімге Украинаның бұрынғы ұлттық құрамасының футболшысы, ал қазір Санкт-Петербургтің “Зенит” клубының жаттықтырушысы Анатолий Тимощук те енген.

Сонымен қатар, өткен аптада Спорттық арбитраждық сот (CAS) Тимощуктың Украиналық футбол қауымдастығы (УАФ) шешіміне қатысты апелляциясын қанағаттандырғаны белгілі болды. УАФ оны жаттықтырушылық лицензиядан және барлық марапаттарынан айырған еді.

Айта кетейік, Анатолий Тимощук 2015-2016 жылдары “Қайрат” сапында өнер көрсетіп, клуб үшін 42 матч өткізген.

51 0 0 2

BASSPORT

22 Nov, 13:32

Роллан Серіков ҚР Туризм және спорт министрлігінің аппарат басшысы қызметіне тағайындалды

ҚР Туризм және спорт министрлігінің аппарат басшысы қызметіне Роллан Серіков тағайындалды, деп хабарлайды Bassport.kz ҚР Туризм және спорт министрлігіне сілтеме жасап.
Роллан Серікұлы Серіков 1979 жылы дүниеге келген. PhD докторы.
Шәкәрім атындағы Семей мемлекеттік университетін, Т. Рысқұлов атындағы Қазақ экономикалық университетін (Нархоз университеті) тәмамдаған.
Әр жылдары жоғары білім саласында оқытушы, басқарма басшысы, департамент директоры қызметтерін атқарды.

2017-2020 жж. – ҚР Білім және ғылым министрлігі Ұлттық тестілеу орталығы тестілеуді ұйымдастыру және өткізу департаментінің басшысы.

2021-2023 жж. – Дене шынықтыру және бұқаралық спорт академиясында (Астана қ.), Qazaq kuresi қауымдастығында басшылық қызмет атқарды.

Спорт, құрылыс, жылжымайтын мүлікті басқару және т.б. салаларда кәсіпкерлік қызметпен айналысқан.

2023-2024 жж. – ҚР ТСМ Спорт және дене шынықтыру істері комитеті төрағасының орынбасары.

48 0 0

BASSPORT

22 Nov, 12:12

Ламин Ямаль «Барселонамен» жаңа келісімшарт жасаспақ

«Барселонаның» жас вингері Ламин Ямаль каталондық клубпен жаңа келісімшартқа қол қояды. Жаңа келісім шарттары бойынша, ойыншы клубта тағы алты жылға қалуға дайын, деп хабарлайды Bassport.kz

Келісім футболшы 18 жасқа толғаннан кейін күшіне енетін болады. Жаңа келісімде өтемақы сомасы 1 миллиард еуро деп көрсетілген. Бұл Ямальдың каталондық клуб үшін қаншалықты маңызды ойыншы екенін дәлелдейді.

17 жастағы талантты ойыншы биылғы маусымда «Барселона» сапында барлық турнирлерде 16 матчқа қатысып, алты гол соғып, сегіз нәтижелі пас беріп үлгерді. Қазіргі келісімшарты 2026 жылдың жазыны дейін жасалған.

Transfermarkt порталының мәліметінше, жас футболшының нарықтық құны 150 миллион еуроға бағаланып отыр.

48 0 0

BASSPORT

22 Nov, 12:12

🥋 Эсмигуль Куюлова маңызды халықаралық турнирге Қазақстан атынан сынға түспейді

Халықаралық дзюдо федерациясының ресми сайтындағы мәліметке сәйкес, 7-8 желтоқсанда Токиода өтетін “Үлкен дулыға” турнирінде Қазақстан әйелдер құрамасының тізімінде маңызды өзгеріс орын алды, деп хабарлайды Bassport.kz sportarena.kz сілтеме жасап.

Алғашқы тізімде болған 63 кг салмақтағы Азия ойындарының қола жүлдегері, ел чемпионы Эсмигүл Куюлова жарысқа қатыспайды.

16 қарашада Эсмигүл ел чемпионатында қатарынан үшінші рет алтын алған еді. Алайда бапкерлер штабының не себепті мұндай шешім қабылдағаны белгісіз.

52 0 0

BASSPORT

22 Nov, 10:23

🤼 Балуан Нұрқожа Қайпановтың әйелі әлем чемпионатының қола жүлдегері атанды

Жақында Тиранада өткен күрес түрлерінен әлем чемпионатында топ жарған қазақ балуаны Нұрқожа Қайпановтың әйелі де дүниежүзілік біріншіліктен жүлде алды, деп қабылдайды Bassport.kz 1bol.kz сілтеме жасап.

Ереванда әскерилер арасында өтіп жатқан әлем біріншілігінде Марина Седнева 55 келіде белдесіп, қола медальға қол жеткізді.

Бұл белгілі спортшының биыл қол жеткізген алғашқы жетістігі емес. Ол жақында ғана Таразда өткен ел кубогында чемпион атанған болатын.
Марина Седнева 2020 жылдың күзінде Нұрқожа Қайпановқа тұрмысқа шыққан еді. Спортшылар отбасы бүгінде бір ұл баланы тәрбиелеп отыр.

Оның күйеуі Нұрқожа Қайпанов 28-31 қазан күндері Албания астанасында аяқталған әлем чемпионатында 70 келіде чемпион болды. Ол ел тарихында еркін күрестен әлем чемпионы атанған екінші балуан ретінде есімі тарихқа еніп отыр.

53 0 0 1

BASSPORT

22 Nov, 08:21

⛷️Қазақстан спортшылары Еуропа кубогінің алғашқы күнінде алты медаль жеңіп алды

21 қараша күні Щучье қаласында Шығыс Еуропа Кубогының бірінші кезеңі басталды, деп хабарлайды Bassport.kz Olympic.kz сілтеме жасап.

Алғашқы күні спринт бойынша жарыстар өтті, оған 160-тан астам шаңғышы қатысты. Қазақстан командасының өкілдері барлық алты медальды жеңіп алды.

Ерлер арасында бірінші орынды Святослав Матасов жеңіп алса, екінші орын Ильяс Исабекке, үшінші орын Виталий Пухкалоға бұйырды. Әйелдер арасында алтын медальды Тамара Эбель иеленді.

Екінші орынға Мария Геращенко, үшінші орынға Анна Мельник шықты.

55 0 0

20 ta oxirgi post ko‘rsatilgan.