ТАЛАНТ САТЫЛМАЙДЫ

- Бәрiн де сатып алуға болады,- дедi Ғабең бiр жолы. 
- Ақшаң болса қалтаңда,
Талтаңдасаң - талтаңда!
Бәрiн де - атақты да, ар-ұятты да, әйелдiң махаббатын да...
Ал бiрақ талантты сатып ала алмайсың. Ешқашанда. Талантты адам бермейдi, Құдай бередi.
Бiздiң Союздың есiгi айқара ашық: халтураға да, дарынсыз сүмелектерге де. "Қазаннан қақпақ кетсе, иттен ұят кетедi" деген сол. Бiлдiң бе?
Мен, әрине, бiлемiн.
Бұл да бiр кем дүние.
...Қазiргi Жазушылар одағы - бiздiң Мыңбұлақтың егiс даласындай: еккен арпа-бидай арамшөптiң, есекмияның, кекiренiң арасынан көрiнбейдi.
Шерхан Мұртаза.