Қыңырлығымен танылған біреу шайыр Нәжіп Фазыл Кысакүрекке келіп: «Алланың түйені ине тесігінен өткізуге құдіреті жетеді ме?» деп сұрайды. Шайыр іркілместен: «Иә өткізеді» деп жауап береді. Әлгі қиқар жауапқа қанағаттана қоймай:
- «Олай болса түйені кішірейтеді ме әлде ине тесігін үлкейтеді ме?» дейді қасарысып.
Шайыр: Түйені де кішіретпейді, ине тесігін де үлкейтпейді. Көктегі жұлдыздарды сенің көз қарашығыңа сыйдырғандай, лып-лып еткізіп түйені ине тесігінен өткізеді» деген екен. Күндеріңіз сәтті өтсін!