Әнәс ибн Мәлік (Алла оған разы болсын) өгей әкесі Әбу Талха (Алла оған разы болсын) мен анасы Умму Сүләймнің (Алла оған разы болсын) некелесуін былай деп әңгімелейді.
«Әбу Талха Умму Сүләймге құда түсті. Умму Сүләйм: «Уа, Әбу Талха! Сен сияқты адам кері қайтарылмайды. Алайда сен кәпір адамсың. Ал мен мұсылман әйелмін. (Сондықтан) саған күйеуге шыға алмаймын. Егер мұсылманшылықты қабыл етсең, сенен алатын мәһірім сол болсын. Сенен басқа нәрсе сұрамаймын» -деді. Әбу Талха ұсынысты қабыл алып, мұсылман болды. Умму Мүләймнің мәһірі осы болды». (Усдул-Ғаба, 2 том, 361 бет)
Ескерту: Мәһір – некелесу барысында немесе кейін өтеу шартымен келісілген қалыңдыққа берілетін дүние-мүлік немесе ақша.