Dala Finance

🍌Қабырғаға желім қағазбен жабыстырылған банан аукционда 6,2 миллион долларға сатылды

Оны Қытайдың криптокәсіпкері Джастин Сан сатып алған. Дүниедегі ең қымбат бананды ол 🥢жеп қоймақшы.

20 қарашада Sothebyʼаукционында 🔨 итальяндық суретші Маурисио Каттеланның "Комедиант" деп аталатын ең танымал инсталяциялық туындысы 6,2 миллион долларға сатылды, деп жазады Тhe New York Times газеті.

Forbes мәліметінше, суретші бұл өнер нысанын алғаш рет 2019 жылы Art Basel Miami Beach жәрмеңкесіне әкелген. Содан бері бұл туындының үш нұсқасы ресми түрде сатылған. Бұл лотты сатып алушы бананнан бөлек оны көрмеге қалай қою және жеміс бүлінген жағдайда не істеу керектігі туралы нұсқаулықпен қатар туындының түпнұсқа екенін айқындаушы сертификатқа ие болады.

Арт-нысанды мамандар өнер, мем және криптовалюта қауымдастығын байланыстыратын мәдени феноменге балайды.

"Бұл туынды бізді жаңа ойларға жетелеп, тарихтың бір бөлшегіне айналады деп сенемін" деп әлеуметтік желіде жазған Сан жақын күндері өнер тарихы мен танымал мәдениетке құрмет белгісі ретінде аталған бананды жеп қоятын айтыпты.

Арнаға тіркелуді ұмытпаңыз👇

https://t.me/dalafinance

🏛 2025-2027 жылдарға арналған республикалық бюджет туралы заң жобасы сенаторлар сынына ұшырап, қайта пысықтау үшін Мәжіліске қайтарылды

"Ауыз күйген үріп ішеді" демекші, Сенаттағылар бұл жолы өткендегі қателігін қайталағысы келмеген болуы керек, заң жобасын мақұлдаудан бас тартты. Олар мұндағы есептер "тым оптимистік сипатқа ие" десті. Жалпы, бүгіндері Үкіметтің басты бас ауруына айналған бюджет тапшылығы, негізінен, осы есептен бастау алады. Онда да есепті түзегендер, үнемі нарықтағы оптимистік болжамдарға сүйенеді. Жеме-жемге келгенде, нақтысында пессимистік болжамдар жолды кес-кестеп, турасынан қияды. Мұндайда, цифрлары керіге кетіп өзгеріп шыға келетін бюджетті Үкімет ақырында қалай тартарын білмей, әбден сасады: Ұлттық қорға қол салады, ол аз болса, халықаралық қаржылық ұйымдардан займ сұрап, сыртқа қол жаяды. Иә, биыл тура сондай масқара жағдайлар болып жатыр, деп жазады DALA FINANCE.

Осыларды ескерген болуы керек, сенаторлар алдымен ЖІӨ көрсеткішіне шүйлікті. Құжатта 2025 жылға арналған жалпы ішкі өнімнің өсімі 5,6% болады деп көрсетілген.

"Бұл болжам күмәнді және көптеген халықаралық сарапшылар оны тым оптимистік деп санайды. Әсіресе, өнеркәсіптік өсім әлсіз, мұнай өндірісінің көлемі төмендеп жатыр. Сондықтан бұл асыра бағалау болады", – деді Сұлтанбек Мәкежанов бұл ретте.

Сондай-ақ депутат бюджет жобасына енгізілген 2025 жылға арналған инфляция дәлізінің 5,5-7,5% аралығындағы сәйкестігіне де күмән келтірді.

"Бюджет шығынының артуы инфляцияның төмендеуін қамтымайды, сондықтан бұл көрсеткіш декларативті болып қалуы әбден мүмкін", - деді ол сезіктене

Салық түсімдері де сенаторлардың көңіліне жақпады.

"Министрлік тағы да өте оптимистік болжам дайындапты: 15,1 трлн теңге, бұл биылғы жылмен салыстырғанда 3 трлн теңгеге артық. Алайда, биыл тоғыз айдың қорытындысы бойынша КТС бойынша жоспардың орындалуы небәрі 82%, ҚҚС бойынша 70% ғана болды. Сол себепті келесі жылы кірісті 2 трлн теңгеден астамға арттыру жоспарланған еді", – деген Сұлтанбек Мәкежанов салыққа қатысты мәселелердің сыртқы факторларына да егжей-тегжейлі тоқталды. Ал әлемдік нарықтағы жағдайлар бүгінгі таңда мәз емес.

Сенаторлар жылдан жылға өсіп келе жатқан мемлекеттік қарыз және оған қызмет көрсету шығындарына да тоқталды. Ол да қомақты цифрды қамтиды. "2025 жылы мемлекеттік қарызға қызмет көрсету құны 2,5 трлн теңгені құрайды, бұл сыни деңгейге жақын", - деді ол.

Талқылау нәтижесінде сенаторлар, сарапшылар күткендей, ұсынылған өзгерістер мен ескертулердің барлығын ескере отырып, заң жобасын қайта қарау үшін Мәжіліске қайтару туралы шешім қабылдады. Ал сарапшылар, тіпті Жоғары аудиторлық палата да бұған дейін фискальдық дағдарыс белгілері барын,сондай-ақ егер тек бір жылдың бюджетін дұрыстап есептеп, түзей алмасақ жыл сайын үш жылдық бюджетті қабылдаудың не керегі барын Парламент пен Үкіметтің үнемі есіне салып, қателіктерін бетіне басып келеді.

Арнаға тіркелуді ұмытпаңыз👇

https://t.me/dalafinance

📈 Ел азаматтары енді eGov Mobile қосымшасынан өз несие тарихын көріп-біле алады

Қосымшада соңғы бес жылда алған несиелеріңіз бойынша мәліметтер қамтылған.

Бұл жаңа сервис "Кредиттік және сақтандыру тарихы бойынша нұсқаулық" деп аталады. Оған сәйкес, енді пайдаланушылар өздерінің несие алу және сақтандыру тарихын қадағалап, жалпы кредиттік қабілеттілік деңгейін онлайн жағдайда бағалай алады. "Кредиттеу" бөлімінде пайдаланушының соңғы бес жылдағы несие алу тарихы туралы есеп, белсенді несие міндеттемелері мен скорингтік балл (скорингтік балл – пайдаланушының несие қабілеттілігінің деңгейін көрсететін көрсеткіш) ұсынылады. "Сақтандыру" бөлімінде пайдаланушыға бұрын жасалған сақтандыру шарттары мен полистері туралы жалпы есеп, сондай-ақ міндетті автосақтандыру құнына әсер ететін бонус-малус класы туралы ақпарат қолжетімді.

Жаңа сервистің барлық функциялары – тегін.

Арнаға тіркелуді ұмытпаңыз👇

https://t.me/dalafinance

❗️Kaspi.kz акционерлеріне 2024 жылдың III тоқсаны бойынша дивиденд төлей бастады

🍋‍🟩Бір жай акцияға 850 теңге мөлшерінде дивиденд төленуде. Алайда, KASE-де финтех компания жариялаған құжатта дивидентке қатысты жалпы сома нақтыланбаған.

Биржада орналастырылған акциялар санына (199 500 000 дана) сүйенсек, ол 169,6 млрд теңгені немесе III тоқсандағы таза кірістің 62%-ын құрайды деп болжауға болады. Осы кезеңдегі қаржылық есептілікке сәйкес, Kaspi.kz 274,4 млрд теңге табыс тапқан. Тура осындай соманы отандық компания өз акционерлеріне 2024 жылдың I және II тоқсандарында да төлеп үлгерген: I тоқсанда шамамен 223 млрд теңге, II тоқсанда — 243 млрд теңге. Ағымдағы жылдың тоғыз айында компания 740,4 млрд теңге табыс тапты.

Қазіргі уақытта Kaspi.kz-ның ірі акционерлері Михаил Ломтадзе (21,53% үлес), Вячеслав Ким (20,39% үлес), сондай-ақ 23,78% үлесімен Baring Vostok қорлары болып табылады. Қалған акциялар пакеті миноритарийлер арасында өзара таратып алынған.

Арнаға тіркелуді ұмытпаңыз👇

https://t.me/dalafinance

⚡️ҚР Ұлттық банктің ресми мәліметі бойынша, 21 қарашадағы күндізгі сауда-саттық қорытындысы бойынша доллар бағамы – 495,2 теңге, евро – 522,34 теңге, рубль – 4,94 теңге деңгейінде бекітілді, деп хабарлайды dalafinance.

Астана, Алматы және Шымкент қалаларындағы ақша айырбастау пункттеріндегі валюталардың орташа бағамы төмендегідей:

Астана

1 АҚШ доллары: сату – 494 теңге, сатып алу – 499 теңге.
1 евро: сату – 523 теңге, сатып алу – 529 теңге.
1 рубль: сату – 4,95 теңге, сатып алу - 5,05 теңге.

Алматы

1 АҚШ доллары: сату - 496,5 теңге, сатып алу – 498,3 теңге.
1 евро: сату – 523,5 теңге, сатып алу – 527,5 теңге.
1 рубль: сату – 4,93 теңге, сатып алу - 5,03 теңге.

Шымкент

1 АҚШ доллары: сату – 496 теңге, сатып алу – 498 теңге.
1 евро: сату – 524 теңге, сатып алу – 527 теңге.
1 рубль: сату – 4,95 теңге, сатып алу - 5 теңге.

(ақпарат Астана уақыты бойынша сағат 11-10-де kurs.kz сайтынан алынды әрі бұл арада баға валюта сатушы тараптың негізінде көрсетілген)

Экономика, өндіріс 👉@dalafinance
Саясат, инсайдтар 👉 @dalainside⚡️

🕶Нұрлан Сабуровтың гонорары қанша?

"Интернеттен ақша тауып, байып жатырмын" дейтін еліміздегі блогерлердің бірі – Дархан Жолшыбеков күні кеше 👠келіншегі Daricorn-ның туған күнін 🎆дүркіретіп өткізді. Желі жұлдыздары кешті өткізуге Дубайда демалып алып жатқан жерінен танымал әзілкеш 🎤Нұрлан Сабуровты алдыртқан екен.

Revue News бағдарамасына берген сұқбатында 🎥Дархан келіншегінің туған күнін атап өтуге 60 млн теңге жұмсағанын жасырмады, алайда Сабуровқа қанша төлегенін ашып айта алмайтынын жеткізді. Өйткені келісім бойынша оны жариялауға тыйым салынған көрінеді. Бірақ, сөз соңында ол туған күнге кеткен ақшаның шамамен тең жартысы кеш жүргізушісінің ақысы болып табылатынын жеткізді. Сонда Сабуровтың гонорары 30 млн теңге шамасында болып тұр ғой...

Арнаға тіркелуді ұмытпаңыз👇

https://t.me/dalafinance

🎁 Байлар алтын құйманы арабтардан алатын болды

Дубайда салмағы 300 келі болатын алтын құйма жасалып шықты. Ол Гиннестің рекордтар кітабына адамзат тарихындағы ең үлкен алтын құйма ретінде енгізілді.

Дубай Үкіметі баспасөз қызметінің хабарлауынша, Dubai Media Office, Emirates Printing Factory құйып шығарған ауыр алтын құйма Dubai Metals Conference 2024 конференциясының жабылу салтанатында таныстырылды.

Алтын инвесторлар үшін жаһандық экономиканың қиын-қыстау кезеңінде активтерін сақтаудың бірегей құралы болып табылатынын еске сала кетелік.

Арнаға тіркелуді ұмытпаңыз👇

https://t.me/dalafinance

👌Түркияның монополияға қарсы агенттігі Kaspi.kz акционерлік қоғамының Hepsiburada-ны сатып алуына рұқсат берді

"Келісім бұрын Ханзада Доғанға тиесілі Hepsiburada-ның 65,41% бақылаушы акциясын екінші қолға өткізуді қарастырады", деп жазды Turkiye Today жергілікті басылымы.

Еске сала кетсек, Kaspi.kz компаниясы 2024 жылдың 18 қазанында Hepsiburada-ның 65,41% акциясын сатып алу туралы келісімге келгенін жариялаған болатын. Сол кезде Түркияның реттеуші органдары оң шешімін алған жағдайда келісімді 2025 жылдың І тоқсанының соңына қарай аяқтау мүмкін болатыны айтылған. Келісім шарттарына сәйкес, төлем екі транш бойынша жүргізілмек: Kaspi.kz мәмілені жабу кезінде 600 млн доллар, ал қалған 526,9 млн долларды алты ай ішінде төлейді.

Арнаға тіркелуді ұмытпаңыз👇

https://t.me/dalafinance

🏦 Бюджет тапшылығын жабуға алдында алынған екі қарыз да жетпей, Үкімет шетелдік банктен үшінші заемды алуды қарастырып жатыр

"Аталған келісім Астанада 2024 жылдың 11 қазанында жасалды. Халықаралық Қайта құру және даму банкі Қазақстан Республикасына өтеу мерзімі 11 жыл болатын 84,9 млрд иен сомасында қарыз ақша береді. Қарыз қаражаты жоспарлы кезеңге арналған республикалық бюджет тапшылығының бекітілген мөлшері шеңберінде ел экономикасының орнықтылығын қолдау үшін тартылды. Қаржы және бюджет комитеті осы заң жобасы бойынша қорытындыны дайындауға дайын", - деді бүгін Мәжілісте депутат Татьяна Савальева.

Арнаға тіркелуді ұмытпаңыз👇

https://t.me/dalafinance

Ұлттық банкі 2025 жылға арналған базалық мөлшерлеме бойынша шешімдер кестесін бекітті

Ұлттық банк баспасөз қызметінің хабарлауынша, алдағы жылы базалық мөлшерлеме бойынша 8 шешім қабылдау жоспарланып отыр. Оның 4-уі болжамды раундтың нәтижелері негізінде қабылданатын болады:

- 17 қаңтар
- 7 наурыз
- 11 сәуір
- 5 маусым
- 11 шілде
- 29 тамыз
- 10 қазан
- 28 қараша.

"Базалық мөлшерлеме бойынша шешімдер аптаның соңғы жұмыс күні Астана уақыты бойынша сағат 12:00-де жарияланады және келесі аптаның бірінші жұмыс күнінен бастап күшіне енеді", - дейді ҚР Ұлттық банкі.

Айта кетсек, Ұлттық банк белгілейтін базалық сыйақы мөлшерлемесі ақша құнын анықтауға мүмкіндік береді, оның ішінде банктер ұсынатын несиелердің сыйақы мөлшерлемесін де.

Арнаға тіркелуді ұмытпаңыз👇

https://t.me/dalafinance

⚡️ҚР Ұлттық банктің ресми мәліметі бойынша, 20 қарашадағы күндізгі сауда-саттық қорытындысы бойынша доллар бағамы – 497,26 теңге, евро – 525,21 теңге, рубль – 4,97 теңге деңгейінде бекітілді, деп хабарлайды dalafinance.

Астана, Алматы және Шымкент қалаларындағы ақша айырбастау пункттеріндегі валюталардың орташа бағамы төмендегідей:

Астана

1 АҚШ доллары: сату – 494 теңге, сатып алу – 499 теңге.
1 евро: сату – 523 теңге, сатып алу – 529 теңге.
1 рубль: сату – 4,92 теңге, сатып алу - 5,02 теңге.

Алматы

1 АҚШ доллары: сату - 495,7 теңге, сатып алу – 497,7 теңге.
1 евро: сату – 523,5 теңге, сатып алу – 527,5 теңге.
1 рубль: сату – 4,91 теңге, сатып алу - 5,01 теңге.

Шымкент

1 АҚШ доллары: сату – 496 теңге, сатып алу – 497 теңге.
1 евро: сату – 525 теңге, сатып алу – 528 теңге.
1 рубль: сату – 4,95 теңге, сатып алу - 5 теңге.

(ақпарат Астана уақыты бойынша сағат 11-10-де kurs.kz сайтынан алынды әрі бұл арада баға валюта сатушы тараптың негізінде көрсетілген)

Экономика, өндіріс 👉@dalafinance
Саясат, инсайдтар 👉 @dalainside⚡️

🕹Қазақстан мұнайы 2024 жылы 10 айда Италия, Нидерланды, Қытай, Корея Республикасы, Румыния, Франция, Греция, Түркия, Сингапур, Германия және тағы басқа елдерге экспортталған

"2024 жылдың 10 айының қорытындысы бойынша магистральдық мұнай құбырлары жүйесі бойынша мұнайды тасымалдау көлемі 57,8 млн тоннаны құрады. Тасымалданатын мұнайдың 26%-дан астамы немесе 15,1 млн тонна отандық МӨЗ-ге жеткізілді", делінген ҚР Энергетика министрлігі хабарламасында

Мұнай тасымалы бойынша басты көрсеткіштерді атады:

- Каспий құбыр консорциумының құбыры арқылы шамамен 46,3 млн тонна мұнай тасымалданды.
- "Атырау-Самара" учаскесі бойынша мұнай тасымалдау көлемі шамамен 7,2 млн тоннаны құрады.
- 2024 жылдың қаңтар-қазан айларында Германияға 1,2 млн тонна қазақстандық мұнай жіберілді.

10 айдың қорытындысы бойынша Ақтау портынан 3,1 млн тоннадан астам мұнай тасымалданды, оның ішінде:

- Махачкала портының бағыты бойынша 1,6 млн тонна;
"Баку – Тбилиси – Жейхан" мұнай құбыры бағытында 1,2 млн тонна жөнелтілді.
- "Атасу – Алашаңқай" мұнай құбырының бағыты бойынша 1 млн тоннадан астам мұнай тасымалдау жүзеге асырылды.

Сондай-ақ 10 айдың қорытындысы бойынша ҚР аумағы арқылы мұнай транзиті 8,4 млн тоннаны құрады, оның ішінде:

- Ресей Федерациясы – Қытай Халық Республикасы бағыты бойынша 8,2 млн тонна,
- Ресей Федерациясы - Өзбекстан Республикасы 217 тонна мұнай.

Арнаға тіркелуді ұмытпаңыз👇

https://t.me/dalafinance

🔨"Ломбард Ак Барыс" микроқаржылық ұйымы лицензиясынан айырылды

"Қазақстан Республикасы Қаржы нарығын реттеу және дамыту агенттігінің Алматы қаласындағы өңірлік өкілдері басқармасы бастығының 19.11.2024 жылғы № 112 бұйрығына сәйкес "Ломбард Ак Барыс" жауапкершілігі шектеулі серіктестігі микроқаржылық қызметті жүзеге асыруға арналған лицензиясынан айырылды", делінген ҚНРДА хабарламасында.

Лицензиядан айыруға аталған микроқаржылық ұйымның Ұлттық банк нормативтерін бұзу, ескертулерді елемеуі түрткі болғаны нақтыланады.

Арнаға тіркелуді ұмытпаңыз👇

https://t.me/dalafinance

👠Қазақстанда қалыңдықтың мәһір сұрауына тыйым салынды. ҚМДБ осындай жаңа пәтуа шығарды

"Қазақ дәстүрінде қалыңмал – қалыңдық үшін берілетін мал-дүние. Егер екі жас ажырасқан жағдайда қалыңдық малы қыздың иелігінде қалатын болған. Осы тұрғыдан қалыңмалды мәһір деп санауға болады", делінген ҚМДБ Ғұламалар кеңесінің шешімінде.

Айта кетсек, Қазақстанда үйленгенде күйеу жігіт қалыңдыққа қалыңмал апарады. Әр өңірде оның сомасы әртүрлі: 500 мың теңгеден басталып 3 млн теңгеге дейін барады. Одан бөлек мешітке неке қиюға барғанда қалыңдық күйеу жігіттен мәһір де сұрайды. Оның сомасы да нақты белгіленбеген, қалыңдықтың тәрбиесі мен мәдениетіне қарай ол арада жай сағаттан бастап, тіпті пәтер, көлікке дейін қамтылып жатады. Соңғы кездері бұл ретте қалыңдықтардың қалауы, көбінесе Айфонға (құны 600 мыңнан бастап 1 млн теңгеден асады) түсіп жүр.

Арнаға тіркелуді ұмытпаңыз👇

https://t.me/dalafinance

🪖Өнеркәсіп өндірісінің ең жоғары өсімі Ұлытау, Қарағанды және Түркістан облыстарында тіркелді

"Сонымен қатар, Атырау және Қостанай облыстарында, сондай-ақ Алматы қаласында, керісінше төмендеу байқалды. 2024 жылғы қаңтар-қазан айларында Қазақстанда өнеркәсіп өндірісінің көлемі 40,4 трлн теңгеге жетті. Өңдеуші өнеркәсіп бұл көлемнің 47,5%-ын (19,2 трлн теңге), ал кен өндіру өнеркәсібі 45,7%-ын (18,4 трлн теңге) қамтиды. Өсімнің негізгі драйверлеріне химия, фармацевтика, дайын металл бұйымдары өндірістері жатады", деп жазады өз талдауында Economy.kz порталының сарапшысы Сұлтан Валиханов.

Ал өнеркәсіп өндірісінің индексі (ӨӨИ) 102,6%-ды құрады. Бұл өңдеуші және кен өндіру өнеркәсібі, сондай-ақ энергетика секторындағы негізгі салалардың қалыпты өсуін көрсетеді. Өңдеуші өнеркәсіптегі ӨӨИ 4,8%-ға өсті.

Өсімнің негізгі драйверлері:
• Химия өнеркәсібі: +8,9%.
• Фармацевтика: +23,8%.
• Металлургия: +7,5%.
• Дайын металл бұйымдарын өндіру: +29,3%.
• Машина жасау: +4,8%.
• Басқа дайын бұйымдар: +38,9%.

Арнаға тіркелуді ұмытпаңыз👇

https://t.me/dalafinance

🎱 Виртуальды ақша Қазақстан заңы бойынша төлем құралы болып табылмайды. Алайда шамамен 1,5 миллионнан астам қазақстандық елден тыс криптоактивтердің әлемдік айналымына тартылған

Осындай фактіні өз зерттеуінде алға тартқан Ұлттық банк бұл тұтынушылар құқығы бойынша тәуекелдерді арттырып, салықтан жалтаруға, сол арқылы ел экономикасының жалпы жағдайына кері әсер етеді деп санайды.

Ал 2023 жылғы қаңтар – 2024 жылғы тамыз аралығында АХҚО-дағы 10 криптобиржасында, 3 криптоброкерлерде, 1 крипто басқарушы 8 қазақстандық банк арқылы 704 млн АҚШ доллары❗️ сомасына операциялар жүргізілді. АХҚО криптобиржаларына 100 мыңнан астам клиент қатысады, олардың 90%-ы - бөлшек клиенттер. Мемлекеттік кірістер комитетінің мәліметінше, 2023 жылы бюджетке цифрлық активтер индустриясынан шамамен 9 млрд теңге, 2024 жылдың бірінші жартыжылдығында цифрлық майнинг индустриясынан 3,5 млрд теңге түсті.

Арнаға тіркелуді ұмытпаңыз👇

https://t.me/dalafinance

🧮 Ұлттық банк валюта нарығындағы теңгерімділікті арттыру мақсатында квазимемлекеттік сектор субъектілерінің валюталық түсімдерінің 50%-ын міндетті түрде сату талабын қайта енгізгелі жатыр

Бұл туралы 18 қарашада ақша айырбас орындарында 1 АҚШ доллары 500 теңгеден сатылып, осыған қатысты түсініктеме берген Ұлттық банк төрағасының орынбасары Әлия Молдабекова айтты. Ол Қазақстан Республикасы Үкіметінің тиісті қаулысы мен Ұлттық банктің осы сипаттағы бұйрығы әзірленіп, жақын күндері қабылданғалы жатқанын жеткізді.

“Бұған дейін бұл талап 2023 жылдың тамызына дейін қолданыста болған, алайда макроэкономикалық жағдайдың өзгеруіне байланысты уақытша тоқтатылған еді. Сонымен бірге, бұл талап шоктарды бәсеңдету үшін жедел қолдануға болатын тиімді құрал болып табылады", - дейді ол.

ҚР Ұлттық банк төрағасының орынбасары соңғы уақытта ішкі және сыртқы факторлардың жиынтығы теңгенің әлсіреуіне алып келгенін баса атап өтті.

Арнаға тіркелуді ұмытпаңыз👇

https://t.me/dalafinance

⚡️ҚР Ұлттық банктің ресми мәліметі бойынша, 19 қарашадағы күндізгі сауда-саттық қорытындысы бойынша доллар бағамы – 497,89 теңге, евро – 525,12 теңге, рубль – 5 теңге деңгейінде бекітілді, деп хабарлайды dalafinance.

Астана, Алматы және Шымкент қалаларындағы ақша айырбастау пункттеріндегі валюталардың орташа бағамы төмендегідей:

Астана

1 АҚШ доллары: сату – 495 теңге, сатып алу – 500 теңге.
1 евро: сату – 525 теңге, сатып алу – 531 теңге.
1 рубль: сату – 4,99 теңге, сатып алу - 5,09 теңге.

Алматы

1 АҚШ доллары: сату - 496,9 теңге, сатып алу – 499,1 теңге.
1 евро: сату – 525 теңге, сатып алу – 529,5 теңге.
1 рубль: сату – 4,99 теңге, сатып алу - 5,09 теңге.

Шымкент

1 АҚШ доллары: сату – 497 теңге, сатып алу – 498,5 теңге.
1 евро: сату – 526 теңге, сатып алу – 530 теңге.
1 рубль: сату – 4,97 теңге, сатып алу - 5 теңге.

(ақпарат Астана уақыты бойынша сағат 11-10-де kurs.kz сайтынан алынды әрі бұл арада баға валюта сатушы тараптың негізінде көрсетілген)

Экономика, өндіріс 👉@dalafinance
Саясат, инсайдтар 👉 @dalainside

🔭Үкімет бұрынғы уақыт белдеуіне оралу туралы ұсынысты қолдамады

Үкімет, керісінше қазіргі уақыт белдеуі - UTC+5-ті қолдайды. Премьер-министр сауда және интеграция министрі қолданыстағы уақыт белдеуінің пайдасына барлық жан-жақты дәлелдер келтіргеніне тоқталды.

"Еліміздің аумағының көп бөлігі 5-ші уақыт белдеуінде орналасқан, сондықтан ғылыми тұрғыдан бұл дұрыс шешім. Сауда және ақпарат министрліктеріне неғұрлым түсінікті ақпараттық-түсіндіру науқанын жүргізуді тапсырамын", — деп атап өтті Олжас Бектенов бүгінгі жиында.

Экономика, өндіріс 👉@dalafinance
Саясат, инсайдтар 👉 @dalainside