Адал рызық табуға ұмтылу.

Алладан өзге табынғандарың, сендерге рызық бере алмайды. Ендеше рызықты Алланың қасынан іздеңдер. Оған құлшылық қылыңдар да Оған шүкір етіңдер. Сол жаққа қайтарыласыңдар.

Анкәбут сүресі 17 аят.

Хазіреті Али одан Алла разы болсын жеткен риуаятқа қарағанда, Алла Елшісі соллаллаһу әләйһи уә сәлләм былай деген: Аллаһым! Үмбетімнің таңертеңнен бастаған еңбегін берекелі қыла гөр!

Имам Ибн Ханбал.

Дұға.

Аллаһым! Сенен кәміл иман, дұрыс сенім, мол әрі адал рызық, жылы жүрек, сені зікір ететін тіл, берік тәубе мен пайдалы білім сұраймын.

Даналар дариясы.

Дүнияда айтпа өсекті,
Арамнан жұтпа кесекті.
Таза сақта, таза жүр,
Киім, тәнің, төсекті.
Жеті мүшең сау болса,
Берерсің сонда есепті.
Аузыңа салма арамды,
Әдет қылма сараңды.

ӘбуБәкір Кердері.

Мұсылманның бір жылы.