«Өзенмұнайгаз» АҚ бас директорымен бекітілген 2024-2027 жылдарға арналған өндіріс қауіпсіздігінің, еңбекті және қоршаған ортаны қорғаудың жай-күйін жақсарту жөніндегі Жол картасы аясында Қоғам қызметкерлерінің баласы үшін өндіріс қауіпсіздігі бойынша интерактив мастер-класс өткізу жоспарланған болатын.

Мастер-кластың негізі бағыт-бағдары Қоғам қызметкері балаларының өрт қауіпсіздігі ережелерінің маңызын білуге және алғашқы дәрігерлік көмек көрсетуді нығайтуға бағытталған іс-шара болып табылады.

Өрт – адам өмірі мен денсаулығына, қоғам мен мемлекетке зиянын тигізеді. Қоршаған ортаға үлкен материалдық зақымын келтіреді. Бір сөзбен айтқанда тілсіз ЖАУ!

Алғашқы көмек – адам өміріне немесе денсаулығына оқыстан қауіп төнгенде оның өмірін сақтап қалу үшін немесе апаттың зиянды әсерін азайту үшін қолданылатын қарапайым шаралардан тұрады.

Сондықтан баланың қарапайым өрт қауіпсіздігі ережелері мен алғашқы көмек көрсету туралы білімін қалыптастыру қажет деп есептейміз!