Qazaqstan.tv

Оразалы Сәбден: Біртұтас тәрбие – ұлттық идеологияның бастауы

Атырауда өткен құрылтайда біртұтас тәрбие бастамасын көтерген академик Оразалы Сәбден бұл жоба арқылы қоғамды ізгілендіріп, сол арқылы сапалы буын тәрбиелейміз дейді.

Ұлттық құрылтайдың III отырысындағы бастамалар нәтижесінде 9 заң қабылданды

Бүгін елордада Ұлттық құрылтай аясында жыл бойы атқарылған жұмыстар қорытындыланды.

Мемлекеттік кеңесші Ерлан Қарин Атырауда өткен құрылтайдың III отырысында ұсынылған бастамалар нәтижесінде қабылданған заң жобаларын атады:

I. Әйелдердің құқықтары мен балалардың қауіпсіздігін қамтамасыз ету мәселелері жөніндегі түзетулер. Бұл заңға биыл 15 сәуірде Президент қол қойды.
II. Шегуге келмейтін темекі өнімдері мен вейптерге тыйым салу жөніндегі түзетулер. Заңға 2024 жылдың 19 сәуірінде Президент қол қойды.
III. Мемлекеттік наградалар туралы түзетулер. Бұл заңға 26 сәуірде Президент қол қойды.
IV. Ономастика мәселелері туралы түзетулер. Президент заңға 5 шілдеде қол қойды.
V. Нышандарды бірыңғай стандартқа келтіру жөніндегі түзетулер. Заңға 5 шілдеде Президент қол қойды.
VI. Ойын бизнесі, лотерея жане лотерея қызметі мәселелері жөніндегі түзетулер. 8 шілдеде жылы Президент қол қойды.
VII. Вандализм жене табиғи нысандарды қорғауға қатысты жөніндегі түзетулер. 8 шілдеде Президент қол қойды.
VIII. Есірткі өндірушілері мен тасымалдаушылардың жауапкершілігін саралау жөніндегі түзетулер. 2024 жылдың 19 желтоқсанында Мәжіліс жұмысқа қабылдап, Сенат мақұлдады. Заң осы жылдың соңына дейін қабылдануы мүмкін.
IX. Құрметті атақтарға қатысты түзетулер. Мәжіліс 19 желтоқсанда жұмысқа алды. Сенат мақұлдады. Жуырда заң Президенттің қол қоюына жіберіледі.
X. Археология саласына қатысты түзетулер. 20 қарашада Парламенттің төменгі палатасына заң жобасы түсті.

Динара Зәкиева: Біртұтас тәрбие құндылықтары оқу процесіне енгізіледі

Ұлттық құрылтайдың жұмыс кездесуінде баяндама жасаған Бала құқықтары жөніндегі уәкіл Динара Зәкиева «Біртұтас тәрбие» бағдарламасының ерекшеліктеріне тоқталды.

Динара Зәкиеваның айтуынша, біртұтас тәрбие құндылықтары оқу процесіне енгізіліп, ай сайын іс-шаралар өткізу көзделген.

Мақсатымыз - осы іс-шаралармен барлық балаларды қамтамасыз ету, дейді Бала құқықтары жөніндегі уәкіл.

📚«Балалар кітапханасы» жобасы аясында балалар басылымдарына қолдау көрсетіледі - министр

Ұлттық құрылтайдың жұмыс кездесуінде баяндама жасаған ҚР Оқу-ағарту министрі Ғани Бейсембаев «Балалар кітапханасы» жобасы туралы айтты.

Жоба аясында жас оқырмандарға ұсынылатын 1770 кітаптың тізімі бекітілген.

Оның 22% классикалық әдбиеттер;
39% Тәуелсіздік жылдардағы әдебиеттер;
15% қазақ әдебиеті;
25% шетел әдебиеті.

Бағдарлама шеңберінде мектеп кітапханасының қорын жыл сайын 2 млн данаға ұлғайту жоспарланған.

Сонымен бірге министр осы жоба аясында балаларға арналған басылымдарға қолдау көрсетілетінін атап өтті.

⚜️Ерлан Қарин: Қаңтар айында Жошы хан туралы сериалдың түсірілімі басталады

Президент Қасым-Жомарт Тоқаев Ұлттық құрылтайдың үшінші отырысында «Алтын орда» кезеңін кең аудиторияға таныстыру үшін халықаралық онлайн платформаларда деректі фильм дайындауды тапсырды. Мемлекеттік кеңесші Ерлан Қарин осы жоба арқылы Қазақстанның мәдениеті мен тарихы әлемдік аренада кеңінен насихатталатынын атап өтті.

«Жақында бізге түсіріліммен айналысатын халықаралық топ келді. Жоба жеке кәсіпкерлердің көмегі арқасында жүзеге асырылады, мемлекеттік бюджеттің қатысы жоқ. Қаңтар айынан бастап шетелдік павильонда түсіріле бастайды, ал еліміздегі түсірілім жұмыстары сәуір айында жүргізіледі. Фильм 2025 жылдың соңына дейін дайын болады»,-деді Ерлан Қарин.

▪️Астанада Ұлттық құрылтай аясында 2024 жылы атқарылған жұмыс қорытындыланды.

Кәрімбек Құрманәлиев: Жастарды тәрбиелеу үшін ұлттық құндылықтарымызды ұлықтауымыз қажет

Ұлттық құрылтай мүшесі, ҚР Ұлттық ғылым академиясының академигі Кәрімбек Құрманәлиев Ұлттық құрылтайдың жұмыс кездесуі мен «Біртұтас тәрбие» бағдарламасына қатысты пікір білдірді.

Мемлекеттік наградаларға Сағадат Нұрмағамбетов, Бауыржан Момышұлы, Рақымжан Қошқарбаев есімдері берілді

Ұлттық құрылтайдан кейін Парламентте талқылау өтіп, сәуір айында маңызды заң қабылданды. Нәтижесінде «Айбын» орденінің үш дәрежесіне Екінші дүниежүзілік соғыс батырларының есімдері берілді. Биылдан бастап күштік құрылымдардың өкілдері осы тұлғалардың құрметіне аталған ордендермен марапаттала бастады.

«Бұл үлкен тәрбиелік маңызы бар шешім. Одан басқа Талдықорған қаласындағы Қазақстанның Әуе қорғанысы күштерінің әуe базасына Кеңес Одағының екі дүркін батыры Сергей Луганскийдің есімін берілді. Келер жылы елімізде Әлия Молдағұлованың 100 жылдығы, Бауыржан Момышұлының 115 жылдығы атап өтіледі», -деді Е.Қарин.

Астанада Ұлттық құрылтай аясында 2024 жылы атқарылған жұмыс қорытындыланды.

Ғани Бейсембаев: «Біртұтас тәрбие» бағдарламасының мақсаты – әділеттілік пен адамгершіліктің айқын бейнесі болатын адал азаматты қалыптастыру

ҚР Оқу-ағарту министрі Ғани Бейсембаев Ұлттық құрылтайдың жұмыс кездесуінде «Біртұтас тәрбие» бағдарламасы жөнінде баяндама жасады.

«Бағдарламаның өзегі - Әділетті Қазақстан, адал азамат, озық ойлы ұлт, идеологиялық үштағанмен ұштасып жатыр. Оның мазмұны ұлттың жаңа келбетін қалыптастыратын 6 құндылыққа сәйкес жүйеленген»,-дейді министр.

Бағдарламаның мазмұнын әзірлеуге Ұлттық құрылтай мүшелері Оразалы Сәбден, Жақсылық Құлекеев, Еділ Жаңбыршин, Жұлдыз Сүлейменова, Динара Зәкиева, Дихан Қамзабекұлы, Сәуле Досжан, Вадим Басин атсалысқан.

Жұлдыз Сүлейменова: «Біртұтас тәрбие» бағдарламасын жекеменшік мектептер мен халықаралық мектептерге және балабақшаларға да енгізу маңызды

Президент Қасым-Жомарт Тоқаев Атырауда өткен Ұлттық құрылтайда «Біртұтас тәрбие» бағдарламасын әзірлеуді тапсырған болатын.

Астанада Ұлттық құрылтайдың жұмыс кездесуіне қатысып жатқан Мәжіліс депутаты Жұлдыз Сүлейменова «Біртұтас тәрбие» бағдарламасын сабақ барысында, сабақтан тыс уақытта, мектептің базасында, мектептен тыс уақытта, отбасында, қоғамда да осы тәрбие құндылықтарын енгізуге толыққанды көңіл бөлу керек дейді.

Ерлан Қарин есірткі жазасын жеңілдету жайлы: Басты мақсат – жасөспірімдерді қылмыстан қорғау

Мемлекеттік кеңесші Ерлан Қарин Ұлттық құрылтай аясында 2024 жылы атқарылған жұмыстарды қорытындылады.

Жастар арасында интернет арқылы жеңіл-желпі табыс табумен айналысу әдетке айналып бара жатыр. Осыған қатысты биыл Ұлттық құрылтайда көтерілген күрделі мәселелердің бірі – «есірткі тасымалдаған» балалардың жазасын жеңілдету. Бұндай бастаманы заңгер Айман Омарова ұсынды.

«Біріншіден, Мемлекет басшысы есірткі өндірушілерге қатысты тапсырма берді. Екіншіден, құрылтайға қатысушылар тарапынан жарнамаға алданып, есірткі таратумен айналысқан жасөспірімдерді жазалау мәселесін қайта қарау ұсынылды. Ұзақ уақыт бойы бірнеше талқылау өтті. Соның нәтижесінде жаза жеңілдетіліп, оларды сақтандыру мақсатында осындай шара қабылданды. Бірақ өндірушілер және сатумен айналысқандарға жаза қатаңдатылды, тіпті өмір бойына бас бостандығынан айыру мәселесі қарастырылып жатыр»,-деді Ерлан Қарин.

Құрылысшы, инженер, энергетик мамандарына мемлекеттік награда тағайындалады

Президент 2025 жылды жұмысшы мамандықтар жылы деп атады.

Мемлекеттік кеңесші Ерлан Қарин еңбек адамының мәртебесін арттыруға бағытталған бастамалар туралы айтып берді.

«Біз алдағы жылды күтпей-ақ еңбек адамдарын насихаттауды,соның ішінде кәсіби мерекелерді бекітіп, сала үздіктерін марапаттауды бастап кеттік. Басты мақсат - қоғамда еңбек адамдарының мәртебесін көтеру. Сала мамандарын қолдау, олардың кәсіби мерекесін атап өту жөнінде жаңа заң Парламентте талқылаудан шықты. Оған сәйкес, келер жылдан бастап Мемлекет басшысы жарлығымен 9 кәсіп өкілдерінің үздіктеріне мемлекеттік награда тағайындалады. Олардың қатарында құрылысшы, энергетик, инженер сияқты мамандықтар бар»,-деді Е.Қарин.

Ғани Бейсембаев: «Біртұтас тәрбие» бағдарламасы балабақшадан бастап студенттерге дейінгі жастарды қамтиды

ҚР Оқу-ағарту министрі Ғани Бейсембаев Ұлттық құрылтайдың жұмыс кездесуінде тәрбие бағдарламасы туралы айтып берді.

«Жаңа бағдарлама 6 құндылыққа негізделеді. Адал азамат, ұшқыр ойлы азамат, Абайдың толық адам идеясы жобаның басты қағидаттары болып отыр. Біздің балаларымыз тәрбиеленіп жатқан кез келген білім беру мекемелері «Біртұтас тәрбие» бағдарламасы бойынша тәрбие жұмыстарын өткізеді», - дейді ҚР Оқу-ағарту министрі Ғани Бейсембаев.

«Біртұтас тәрбие» бағдарламасының мақсаты - жалпы адамзаттық және ұлттық құндылықтарды бойына сіңірген еңбекқор, адал, саналы, жасампаз азаматты тәрбиелеу.

Тұңғыш рет мектептерде төл құндылықтарымызға негізделген әрі қазіргі заманға лайықталған тәрбие бағдарламасы енгізілді

Мемлекеттік кеңесші Ерлан Қарин Ұлттық құрылтай аясындағы іске асқан бастамаларға тоқталды.

«Біртұтас тәрбие» бағдарламасын әзірлеуге еліміздің ең мықты деген методист-ғалымдары және Алтынсарин атындағы академия қызметкерлері атсалысты. Бұған дейін білім беруге басымдық берілсе, биылдан бастап барлық мектепке жас ерекшеліктеріне қарай бірыңғай тәрбие бағдарламасын да енгіздік. Бұның нәтижесін бірнеше жылдан кейін көреміз, тіпті бір буын өкілі ауысуы мүмкін»

,-деді Мемлекеттік кеңесші.

Астанада Ұлттық құрылтайдың жұмыс кездесуі өтіп жатыр

Жиында Ұлттық құрылтай аясындағы бастамалардың іске асуы, білім жүйесіне «Біртұтас тәрбие» бағдарламасының енгізілуі, еңбек адамдарының мәртебесін арттыру секілді жүзеге асқан және қолға алынған бастамалар талқылануда.

Кездесу Атырауда өткен III Ұлттық құрылтайда Мемлекет басшысы берген тапсырмаларды пысықтау мақсатында өтуде.

📺 @qazaqstantv

🩺Баланың тілі неге кеш шығады?

Инсульттан кейінгі реабилитацияның маңызы қандай?

🔴Бұл сұрақтарға «Теледәрігер» бағдарламасында арнайы мамандар жауап береді.

📺 @qazaqstantv