ТАПҚАНЫҢЫЗ ЖАҚСЫЛЫҚҚА БУЙЫРСЫН

Жерге жети ийип азийз басыңды,
Арқаланып тәғдир тийер тасыңды,
Ҳадалынан жыйып несийп асыңды,
Таўғаныңыз тойларыңа буйырсын!

Жылаў керек жерде жеңиң күлимлеп,
Қайғы-ғамға сизге емес сүринбек,
Душпанғада бахтыма саў жүриң деп,
Жақсылығың жақсы күнге буйырсын!

Бақырысқан қоңсың да бос қалмасын,
Ағайиниң ҳәтте қурбы-қурдасың,
Сен халқыңды, халқың сени қолласын,
Шыннан шыққан тилек "ем"ге буйырсын!

Кеўил үйге жағып ийман маяқты,
Тоқсанда да бир сүйенбей таяқты,
Ден саўлықта ғаз-ғаз басып аяқты,
Тапқаныңыз тойларыңа буйырсын!

Бахыт деп бил ҳәр күн таңның атқанын,
Ийман болғай жерде жасап утқаның,
Қумырысқадай күндиз-кеше тапқаның,
Ул-қызыңа,  ақлықларға буйырсын!

Саў-саламат қуўанышқа буйырсын.

     Зульфия  Жийемуратова


https://t.me/Soz_marjani