Type to search
Advanced channel search

Купить живой трафик

2 руб / подписчик
img
ad

Нужны подписчики в Telegram?

От 2₽, с фильтрами и лимитами
img
ad

Продам канал с доходом 138090

Всего за 55 000. Срочно нужны деньги.
img
ad

Atameken Business - Жаңалықтар

@atamekenbusiness_qaz
Channel's geo and language: Kazakhstan, Kazakh

Қазақстандағы алғашқы іскерлік telegram-арна.
Оқыңыз. Көріңіз. Табыс табыңыз.
Орыс тіліндегі арнамыз -> https://t.me/atamekenbusiness
Біздің сайтымыз -> https://inbusiness.kz/kz

Related channels  |  Similar channels
Channel's geo and language
Kazakhstan, Kazakh
Category
News and media
Statistics
Is this your channel? Confirm Канал в реестре блогеров РКН? Confirm Channel history
Posts filter

Atameken Business - Жаңалықтар

11 Mar, 06:51

Open in Telegram Share Report
Х әлеуметтік желісі кибершабуылға тап болды.

Бұл туралы компания иесі Илон Масктың өзі хабарлады.

Атақты миллиардер хакерлік шабуыл әлі де жалғасып жатқанын алға тартты. Бұған дейін әлемнің әр түкпіріндегі платформа тұтынушылары желі жұмысында ақау болғанын жарыса жазған. Нақты айтқанда, веб сайттың мобильді нұсқасы істен шыққан. Сондай-ақ, жаңалықтар бөлімін жаңартып, хабарлама жіберу кезінде қиындықтар туындаған.

Қазір компания шабуылға қатысты тексерісті бастап, мәселенің мән-жайын анықтауға кіріскен.

Айта кетейік, палестиналықтарды қолдайтын Dark Storm Team хакерлер тобы жауапкершілікті өз мойнына алғанымен, Илон Маск бұған Украинаны айыптап отыр. Оның пайымынша, X микроблогтар қызметіне Украинада орналасқан IP мекенжайлар арқылы шабуыл жасалған.

Бізге жазылыңыз -> t.me/atamekenbusiness_qaz
141 0 0
Atameken Business - Жаңалықтар

11 Mar, 06:26

Open in Telegram Share Report
Трамптың жаңа саясаты америкалық қор нарығын құлатты.

Аты шулы саясаткер енгізген баж салығының кесірінен жергілікті компания акциялары бірінен соң бірі құнын жоғалтты. Салдарынан, АҚШ-тың қор нарығы 4 трлн доллардан айырылып қалды.

Салықтық алымдарды суша сапырған мемлекет басшысы кәсіпкерлер мен инвесторлар арасында дүрбелең туғызды. Әсіресе, Мексика мен Канада сынды серіктес мемлекеттерге салынған салықтық тарифтер бағаны көтеріп, тұтынушы халықтың жағдайын қиындатты. Қазір америкалық қор нарығында жаппай сатылым жүріп жатыр.

Мамандар, америка экономикалық рецессияға ұшырауы мүмкін деп дабыл қағуда. Бұл сәтсіз сауда саясатының салдарынан ел экономикасының құлдырауы. Алайда, Трамп әкімшілігі бұны жоққа шығарып отыр.

Бізге жазылыңыз -> t.me/atamekenbusiness_qaz
479 0 0 18
Atameken Business - Жаңалықтар

11 Mar, 06:00

Open in Telegram Share Report
Қайырлы таң! Күндеріңіз сәтті өтсін!🌷

Бізге жазылыңыз -> t.me/atamekenbusiness_qaz
584 0 0 9
Atameken Business - Жаңалықтар

8 Mar, 08:15

Open in Telegram Share Report
Халқымыз ежелден анасын ардақтап, қыздарын қадірлей білген – Тоқаев

Мемлекет басшысы Қасым-Жомарт Тоқаевтың 8 наурыз – Халықаралық әйелдер күнімен құттықтауы.

“Қымбатты ханымдар!

Баршаңызды Халықаралық әйелдер күнімен шын жүректен құттықтаймын! Бұл – сұлулық пен мейірімділіктің символына айналған шуақты мереке.

Халқымыз ежелден анасын ардақтап, қыздарын қадірлей білген. Көптеген аруларымыздың есімі төл тарихымызға алтын әріппен жазылған.

Қазір Қазақстанда әйелдер түрлі кәсіппен айналысып, бизнесте және қоғамдық қызметте зор табысқа жетіп жүр. Олар биік белестерді бағындырып қана қоймай, саналы ұрпақ тәрбиелеу жолында аянбай еңбек етіп келеді.

Барлық әйелдердің адал еңбегі ең жоғары бағаға лайық. Осы сәтті пайдаланып, Қазақстандағы аналар мен арулардың бәріне шынайы ризашылығымды білдіремін.

Мемлекет әйелдердің құқықтарын қорғауға және барша азаматтың жан-жақты дамуы үшін жағдай жасауға әрдайым баса назар аударады.

Жанашырлық, жауапкершілік, жасампаздық сияқты асыл қасиеттерді бойына сіңірген әйелдер қауымы еліміздегі ауқымды өзгерістерді жүзеге асыруға зор үлес қоса береді деп сенемін.

Баршаңызға мықты денсаулық, бақ-береке тілеймін!”, - деді Президент.

Бізге жазылыңыз -> t.me/atamekenbusiness_qaz
3.2k 0 2 7 35
Atameken Business - Жаңалықтар

7 Mar, 18:37

Open in Telegram Share Report
Video is unavailable for watching
Show in Telegram
Декреттік төлемдерді есептеу жүйесі өзгереді. Енді белгіленген мөлшерден артық төлем берілмейді

Қазақстанда декреттік төлемдерге қатысты Салық кодексіне өзгерістер енгізілмек. Мемлекеттік әлеуметтік сақтандыру қорының өкілі Гүлбағила Болатбекованың айтуынша, енді декреттік төлемдерді есептеу жүйесі өзгеріп, жоғары табыс табатын әйелдер бұрынғыдай көп төлем ала алмайды.

Бұрынғы жүйе қалай жұмыс істеді?

Еңбек ететін әйелдер жеке кәсіпкер ретінде тіркеліп, 12 ай бойы жоғары кіріс көрсетіп, көп салық төлегендей көріну арқылы декреттік төлемдерді көбейтетін. Осылайша, ай сайын миллиондап табыс көрсеткен кейбір әйелдер декретке шыққанда 2,5 миллион теңгеге дейін жәрдемақы алатын.

Енді не өзгереді?

- Декреттік төлемнің ең жоғары мөлшері белгіленеді – 238 мың теңге
- Қанша жерден көп табыс тапса да, декреттік төлем осы шектен аспайды
- Бірнеше жерде жұмыс істейтіндер үшін де төлемдер біріктірілмейді
- Жүктілікке қатысты төлемдерге де шектеулер қойылады.
3.3k 0 15 43 88
Atameken Business - Жаңалықтар

7 Mar, 16:59

Open in Telegram Share Report
Video is unavailable for watching
Show in Telegram
Ұлттық банк алтындарды сыртқа сатып, екі айда елге 950 млн доллар әкелді.

Соның арқасында теңге тұрақтанды. Бұл туралы Тимур Сүлейменов Атамекен бизнес арнасының журналисі қойған сұраққа жауап беру кезінде айтты. Жалпы алтындарды сыртқа сатудан жылына 5-6 млрд доллар түседі деген болжам бар. Бүгінде құнды металдың бір унциясы 2900 доллар болып тұр.

Негізі Ұлттық банк алтын өндірушілерден бағалы металды 2011 жылдан бері сатып алып келеді. Оны алтын-валюта қорында сақтайды, ондағы үлесі көбейді. Бұл инвестициялық тауар болғандықтан оны тезарада сату қиын. Уақыт кетеді деп түсіндіреді, - Сүлейменов.

«Қазіргі таңда бәрі дұрыс жүріп жатыр. Мәселен қаңтар мен ақпан айларында 950 млн доллар нарыққа ұсындық. Соның нәтижесінде теңге бағамы тұрақтанды», - деді Сүлейменов.


Бізге жазылыңыз -> t.me/atamekenbusiness_qaz
2.8k 0 2 12 47
Atameken Business - Жаңалықтар

7 Mar, 15:12

Open in Telegram Share Report
Теңге сәл нығайды

Қор биржасындағы сауда-саттық нәтижелері бойынша доллар бағамы 494,84 теңге болды. Шетел валютасы бір тәулік ішінде 1,49 теңгеге арзандады.

Ұлттық банктің 7 наурызға ұсынған ресми бағамы – бір доллар үшін 495,95 теңге. Рубль – 5,54 теңге, ал еуро – 535,28 теңге.

Елдің айырбастау пунктерінде долларды сатып алудың орташа бағамы 490-493 теңге болса, сату – 495-496 теңге. Еуроны 532-533 теңгеге сатып алуға болады, сату құны 535-538 теңге аралығында қалыптасты. Ресей валютасын сатып алу – 5,47-5,48 теңге, сату – 5,52-5,55 теңге.

Бізге жазылыңыз -> t.me/atamekenbusiness_qaz
2.7k 0 0 2 36
Atameken Business - Жаңалықтар

7 Mar, 14:46

Open in Telegram Share Report
Forward from: AB Silk Way
💰 АҚШ қытайлық кемелерден төлем алуды жоспарлап отыр

АҚШ Қытайда жасалған немесе ҚХР-ға тиесілі кемелерден елдің порттарына кіргені үшін төлем алмақ, деп хабарлайды Reuters.

Бұл шешім АҚШ-тың кеме жасау саласын дамыту және Қытайдың теңіз тасымалындағы ықпалын азайту мақсатында қабылдануда. Вашингтон өз одақтастарын да осындай шаралар енгізуге шақырып отыр, ал қарсылық танытқандарға санкциялар қолданылуы мүмкін.

Сонымен қатар, АҚШ Қытайдан әкелінетін жүк тиеу-түсіру жабдықтарына баж салығын енгізеді.

Бұған дейін Reuters кейбір кемелердің Гонконг тіркеуінен шығып, Сингапур мен Маршалл аралдарына ауысып жатқанын хабарлаған. 2023-2024 жылдары Гонконг юрисдикциясынан 74 кеме шығарылған, олардың басым бөлігі көмір, темір рудасы және астық тасымалдайтын құрғақ жүк кемелері болған.

✈️ t.me/atamekenbusiness_silkway
2.6k 0 2 2 41
Atameken Business - Жаңалықтар

7 Mar, 13:21

Open in Telegram Share Report
Аймағамбетов «Назарбаев университетінің» декан лауазымына отандық мамандарды алмайтынына шүйлікті

Қазір бұл университеттегі декандардың ішінен тек біреуі ғана – Қазақстан азаматы. Отандық мамандар әлі күнге дейін негізінен әкімшілік блоктарда жұмыс істейді. Яғни, олардың көбі көмекші персонал ретінде ғана қызмет атқарады. Бұл туралы Мәжіліс депутаты Асхат Аймағамбетов айтты.

«Университет алғаш құрылғанда шетелдік профессорлар мен менеджерлердің көмегімен дамыды. Алғашқы кезеңде бұл орынды шешім болды. Бірақ 15 жылдан астам уақыт өтті. Логикалық тұрғыдан алғанда, қазақстандық ғалымдар мен басқарушылардың академиялық ортаға біртіндеп интеграциялануын күтуіміз керек еді. Әрине, шетелдік профессорлар мен басшылардың үлесі сақталуы керек, бірақ қазақстандық мамандар үшін де мүмкіндіктер жасалуы тиіс. Бұл жерде де баланс қажет», - деді ол.


Қазіргі «Назарбаев университетінің» басшылығы рейтингтерге басымдық беріп отыр. Университет тек рейтинг үшін жұмыс істей бастағанда, басты назар басқа бағытқа ауысады, деді Аймағамбетов.

Мәжілісмен аталмыш университет жабық клуб моделінен бас тартып, қазақстандық ғалымдар мен басқарушыларды белсенді түрде тартуы керек деген ұсыныс тастады.

Бізге жазылыңыз -> t.me/atamekenbusiness_qaz
2.6k 0 3 5 75
Atameken Business - Жаңалықтар

7 Mar, 12:01

Open in Telegram Share Report
Президент әуежайда қылмыскерді ұстауға көмектескен ер адамды мемлекеттік наградаға ұсынуды тапсырды

«Мемлекет басшысы Алматы әуежайында адамды кепілге алу жағдайы жөнінде хабардар.

Президент қылмыскердің суық қаруын тартып алып, ұстауға көмектескен ер адамның батылдығын ерекше атап өтіп, аталған азаматты мемлекеттік наградаға ұсынуды тапсырды», - делінген Ақорда таратқан хабарламада.


Бізге жазылыңыз -> t.me/atamekenbusiness_qaz
2.6k 0 1 3 57
Atameken Business - Жаңалықтар

7 Mar, 11:55

Open in Telegram Share Report
Оңтүстік Кореяның бұрынғы президенті қамаудан босатылды

Юн Сок Ёльді тұтқындау туралы шешімнің күші жойылды. Оңтүстік Кореяның экс-басшысы қаңтар айының ортасынан бері қамауда отырған болатын. Ол елде әскери жағдай жариялағаннан кейін бүлік жасауға әрекеттенді деп айыпталды.

Yonhap жазуынша, Сеул қаласының аудандық соты Юн Сок Ёльге қатысты айыптау үкімін заңсыз деп тапқан.

Айта кететіні, 2024 жылдың желтоқсан айында Оңтүстік Кореяның бұрынғы басшысы елде әскери режим енгізілгенін мәлімдеді. Оппозиция бұл қадамды мемлекетке жасалған опасыздық деп есептеді.

Кейін Юн Сок Ёльге қатысты тергеу басталды. Ол өзіне тағылған барлық айыптауларды жоққа шығарды. Экс-президентке импичмент те жарияланды. 15 қаңтарда ол қамауға алынды.

Бізге жазылыңыз -> t.me/atamekenbusiness_qaz
2.5k 0 0 1 24
Atameken Business - Жаңалықтар

7 Mar, 11:31

Open in Telegram Share Report
Video is unavailable for watching
Show in Telegram
Алдағы уақытта базалық ставка тағы өсуі мүмкін - Сүлейменов

Ұлттық банк төрағасының сөзінше, инфляция (қымбатшылық) қарқын алды. Алдағы уақытта да өсуі ықтимал. Соның алдын алу үшін базалық ставканы біртіндеп көтеру туралы шешімге келдік, - деді Сүлейменов.

“Өкінішке орай базалық ставка инфляцияға байланысты. Инфляция өскен сайын бізге де базалық мөлшерлемені өсіруге тура келеді. Сондықтан бүгінгі шешім алдын алуға деген мүмкіндікті арттырады. Алдағы уақытта ставканы бірден көтермеу үшін осындай тоқтамға келдік”, - деді Ұлттық банк төрағасы.


Бізге жазылыңыз -> t.me/atamekenbusiness_qaz
2.4k 0 1 8 39
Atameken Business - Жаңалықтар

7 Mar, 11:13

Open in Telegram Share Report
Video is unavailable for watching
Show in Telegram
Алматыда ер адам әуежай қызметкерін кепілге алды

Оқиға бүгін сағат 11:45 шамасында ішкі рейстер терминалының аумағында болған. Ер адам әуежайдың ұшу алдындағы тексеру аймағынан жолаушы ретінде өтіп кеткісі келген. Авиациялық қауіпсіздік қызметінің мамандары құжаттарды сұратқан кезде, ол әуежай қызметкерінің шашынан тартып, пышақпен қорқытқан.

Әуежайдың баспасөз қызметінің хабарлауынша, полиция қызметкерлері жеті минуттан соң оны қарусыздандырды.

Қазір ер адам желілік полиция бөлімінде. Бұл дерек бойынша құқық қорғау органдары жұмыс жүргізіп жатыр.

Бізге жазылыңыз -> t.me/atamekenbusiness_qaz
2.4k 0 2 5 26
Atameken Business - Жаңалықтар

7 Mar, 10:42

Open in Telegram Share Report
Video is unavailable for watching
Show in Telegram
Тимур Сүлейменов Ұлттық банктің базалық ставкаға қатысты шешімін түсіндірді:

Инфляция өсті

- Жылдық 9,4% көбейді. Әсіресе қызмет көрсету құны қымбаттады.

-Ақпан айында инфляция 13,7% артты.

Сыртқы фактордың да әсері бар.

- Ресейде инфляция қарқын ала түскендіктен, сыртқы сектордың бағаға әсері күшейді.

- Әлемдегі азық-түлік бағасы әлі де жоғары.

- Геосаяси қауіп-қатер сақталып отыр.

«Осыған байланысты қазіргі шешім аясында базалық мөлшерлемені көтеру қажет болды. Бұл қысқа және ұзақмерзімді инфляциялық күтулерді тұрақтандыруға, баға өсуінің жеделдеу үрдісінің бекітілуіне жол бермеуге және инфляцияның артуын болдырмауға мүмкіндік береді.

Бүгінгі шешім халық табысының сатып алуға жарамдылығын сақтауға және жинақтарын қорғауға, сондай-ақ нарық қатысушыларының теңгедегі активтерге сенімін қолдауға арналған», - деді Тимур Сүлейменов.


Бізге жазылыңыз -> t.me/atamekenbusiness_qaz
2.4k 0 0 3 37
Atameken Business - Жаңалықтар

7 Mar, 10:32

Open in Telegram Share Report
Қасым-Жомарт Тоқаев аруларды Халықаралық әйелдер күнімен құттықтады

«Бүгін мен баршаңызды көктем мерекесі – Халықаралық әйелдер күнімен шын жүректен құттықтаймын! Бұл мейрамды шын мәнінде сұлулықтың көрінісі деуге болады. Себебі әйел жаны қашанда әдемілікке жақын.

Аруларымыз әлемге сүйіспеншілікпен қарап, жан-жағына жақсылық шарапатын сыйлап жүреді. «Әйел бір қолымен бесікті тербетсе, бір қолымен әлемді тербетеді» деген сөз бекер айтылмаған.

Әйел – шаңырақтың шырағы, ұлттың ұйытқысы. Ана – тіршілік пен берекенің бастауы, адамзат бойындағы бар ізгіліктің қайнар көзі. Ананың аялы алақаны мен шексіз мейірімі әр үйге жылылық береді. Салт-дәстүріміз бен ана тіліміздің бүгінгі күнге жетуі де – ең алдымен, аналардың арқасы.

Өмірдің мәні де, тіршіліктің сәні де – сіздер! Сондықтан бүгінгі мейрамда барша ер-азаматтар өздеріңізге ақ тілегін арнап, ықылас-ілтипатын білдіріп жатыр. Солардың ішінде мен де Мемлекет басшысы ретінде әйелдерге тілегімді, лебізімді айтып тұрмын», - деді Мемлекет басшысы.

Бізге жазылыңыз -> t.me/atamekenbusiness_qaz
2.3k 0 0 1 20
Atameken Business - Жаңалықтар

7 Mar, 10:00

Open in Telegram Share Report
❗️Ұлттық банк базалық ставканы көтерді

Мөлшерлеме 15,25%-тен 16,50% өсті.

Еске салайық, Ұлттық банк қараша айында ставканы 14,25%-тен 15,25% көтеріп, содан бері шешімін өзгертпей келді.

Бізге жазылыңыз -> t.me/atamekenbusiness_qaz
2.4k 0 2 18 35
Atameken Business - Жаңалықтар

7 Mar, 09:43

Open in Telegram Share Report
Декреттік төлемдерге заңсыз қол жеткізгендерді жазалау керек пе?
Poll
  •   Иә, алаяқтық жасап, қазынаға зиян келтіргендер жазалануы тиіс
  •   Жоқ, бұл - мемлекеттің әлеуметтік төлемдерді бақылаудағы әлсіздігі
  •   Әйелдерді емес, заңсыздыққа жол бергендерді жауапқа тарту керек
  •   Пікір қалдырыңыз немесе WhatsApp: 8700 900 4040 нөміріне жазыңыз
2.4k 0 0 11
Atameken Business - Жаңалықтар

7 Mar, 09:05

Open in Telegram Share Report
Оңтүстік Кореяның визасын аламыз деп 23 қазақстандық сан соғып қалды

Түркістан облысында Оңтүстік Кореяның жұмыс визасын жасауға уәде еткен алаяқ 6 жылға бас бостандығынан айырылды. Сондай-ақ жәбірленушілердің азаматтық талап қоюлары қанағаттандырылды.

Бас прокуратураның мәліметінше, ер адам 2023-2024 жылдар аралығында 23 адамның 92 миллион теңгесін қалтасына басқан. Жәбірленушілер қажетті құжаттарға сол күйі қол жеткізбеген.

Сот үкімі заңды күшіне енген жоқ.

Бізге жазылыңыз -> t.me/atamekenbusiness_qaz
2.4k 0 0 26
Atameken Business - Жаңалықтар

7 Mar, 08:41

Open in Telegram Share Report
Қашаған мен Теңізде мұнай өндіру көлемі артқаннан кейін Каспий құбыр консорциумының қуаты қара алтынды экспорттауға жетпеуі мүмкін. Argus агенттігінің сарапшылары осындай пікір білдіріп отыр.

Әзірге Каспий құбыры Қазақстаннан мұнай экспорттаудың негізгі жолы болып қала береді. Ол арқылы мұнайдың 80% жеткізіледі.

Бүгінде Қашаған жобасының акционерлері баламалы маршруттарды белсенді түрде сынақтан өткізіп жатыр.

Бізге жазылыңыз -> t.me/atamekenbusiness_qaz
2.4k 0 0 22
Atameken Business - Жаңалықтар

7 Mar, 08:11

Open in Telegram Share Report
Әлемдегі ірі мұнай компанияларының акциялары күрт құлдырады.

Бұған ОПЕК-тің қара алтын өндірісін ұлғайту туралы шешімі әсер еткен. Сондай-ақ, Трамптың салықтық саясатынан кейін алпауыт кәсіпорындар акцияларын жаппай сатылымға шығарған. Соңғы бес сауда сессиясында энергетикалық қорлар 5%-дан 10%-ға дейінгі табысынан қағылды. Қара алтын құны да, бірнеше күн қатарынан өз құнын жоғалтуда.

Қазір Brent маркасының бір баррелі 69 доллар 57 центке саудаланып жатыр. Ал, WTI маркасы 66 доллар 38 центке тең. Мұнай бағасының төмендеуіне АҚШ-тың шикізат қорының ұлғаюы түрткі болды. Өткен аптада оның көлемі 3,6 млн баррелге ұлғайып, 443,7 млн баррелге жеткен.

Бізге жазылыңыз -> t.me/atamekenbusiness_qaz
2.4k 0 2 2 20
20 last posts shown.