🎤 Тумарай🌹
Өмир
Басар жерим, отырар орным билемен,
Менде адам, тек жақсылық тилеген,
Бирақ бундай көрмеп едим көреген,
Дос пенен душпанды таныттың өмир.
Ҳәр адымда сездим "майдан" еки түр,
Кимлер азар, кимлер берди гаўҳар- дүр,
Дурыс сабақ берген алым устаздур-
-Дос пенен душпанды таныттың ӨМИР.
Тыйым салып сайрап турған тилиме,
Өртенгенде шақалдым өз күлиме,
Миннетдарман сабырым түйген келиңе,
Дос пенен душпанды таныттың өмир.
Наҳақлыққа шыдамайды сабырым,
Көргим келмес әззилердиң жәбирин,
"Аспанларға" болмай қойсын қәдирим,
Қәлбиме Ҳақ илимин қарыттың өмир.
Бир қулатып, бир жылатып, күлдирип,
Сынған кеўлим питегенде тилдирип,
Менде адам екенимди билдирип,
Дос пенен душпанды таныттың өмир.
Зульфия Жийемуратова
https://t.me/Soz_marjani
