🎄🎄🎄🎄🎄🎄🎄

Жылан келер жылжып жерди баўырлап,
Күтип алайық биз оны ,
Ырысқысын молдан берип халқымның,
Жағдайлары жақсыланғай тәўир-ақ.

Сыйқыры бар бир таяқша табылғай,
Питсин тәшўиш, зыр жуўырып сабылмай,
дегенде көзди ашып жумғанша,
Кредитлер өз-өзинен жабылғай,

Наўқас жатқан турып кеткей аяққа,
Умыт болып сүйенгени таяққа,
Мүсәпирдиң жол дорбасын таярлап,
Дегизбегей - "Жол жүресең қаяққа?!"

Берекети болғай тапқан пулының,
Тойларына жумсап қызы-улының,
Ҳәр атқан таң, жаңа өмир, жаңа жыл,
Шүкирлигин қабыл еткей .

Гулзар Қурбанбаева ✍
Саҳра гүли 🌷  31.12.2024.

https://t.me/Soz_marjani