Жоғарғы Сот Төрағасы А.Мерғалиевтің Жаңа жылмен құттықтауы

Құрметті әріптестер!

Жаңа жыл қарсаңындағы ізгі тілектерімді қабыл алыңыздар.

2025 жыл бізге болашағы бар жобалар, жағымды жаңалықтар және жарқын жетістіктер әкелсін.

Құқықтық мемлекет қалыптастырудың кепілі ретінде заң үстемдігін қамтамасыз ету, сот жүйесінің тәуелсіздігін нығайту және тиісінше, сотқа деген сенімді арттыру үшін жүйелі реформаларды жалғастыруды мақсат етіп отырмыз. Бұған судьялар корпусы зор үлес қосатын болады.

Білімдеріңіз бен тәжірибелеріңізді үнемі арттыра отырып, қоғамдық өмірге белсене араласуларыңызға шын жүректен тілектеспін.

Жаңа жыл тек қуаныш пен бақыт әкелсін! Отбасымыз бен туған-туыстарымыз аман болсын!

Жаңа 2025 жыл құтты болсын!