АДАМҒА ӨМИР КЕРЕК...


Биринши адамға өмир керек,
Екинши адамға кеўил керек.
Ақ жаўлық жамылған,
Жолыңа айдай қараған,
МЕҲРИБАН АНА керек.

Биринши адамға өмир керек,
Екинши адамға кеўил керек.
Сүйенишиң асқар таўың,
Жанкүйериң, ғамхоршың,
ҚӘДИРДАН" ӘКЕ керек.

Биринши адамға өмир керек,
Екинши адамға кеўил керек.
Ойласатын, сырласатын,
Сениң арыңды жырлайтын -
ӨМИРЛИК ЖОЛДАС керек.

Биринши адамға өмир керек,
Екинши адамға кеўил керек,
Анасын ойлайтуғын
Жәрдемши болатуғын,
БАЎЫРМАН ҚЫЗ да керек.

Биринши адамға өмир керек,
Екинши адамға кеўил керек
Баўырман қол қанатың,
Шаңарақты даўамлайтын
УЛ ПЕРЗЕНТ бул да керек.

Биринши адамға "өмир"керек
Екинши адамға кеўил керек.
Бир анадан туўылған
Той мерекеге қатнасқан,
ТУЎЫСҚАНЛАР сирә керек.

Биринши адамға өмир керек,
Екинши адамға кеўил керек.
Шаңарақтың уйытқысы,
Сол үйдиң келин ҳәм қызы -
ИЙБЕЛИ келин керек!

Биринши адамға өмир керек,
Екинши адамға кеўил керек.
Алданышың, қуўанышың,
Жан ашырың, жубанышың -
АҚЛЫҚ" хәм ШАЎЛЫҚ керек.

Биринши адамға өмир керек,
Екинши адамға кеўил керек,
Той мерекени қыздыратын
Туўысқандай болып қатнасатын
ҚУДА - ҚУДАҒАЙ да керек.

Биринши адамға өмир керек,
Екинши адамға кеўил керек.
Алыстағы ағайыннан
Той мерекеңди күтетугын -
ЖАКЫН ЖЕРДЕГИ қоңсы керек.

Биринши адамға өмир керек,
Екинши адамға кеўил керек,
Қыйналғанда, қуўанғанда
Бир жағыңда жүретуғын -
ҚУРБЫ-- ҚУРДАС, ДОС та керек.

Биринши адамға өмир керек,
Екинши адамға кеўил керек
Узақ өмир жасаў ушын,
Терең байлық -
Бул - ДЕН САЎЛЫҚ жүдә керек!

Гүлбәҳәр Қарабаева.

https://t.me/Soz_marjani