СЫН

Жигитти сынасаң ҳəмел берип көр,
Желхомлы кемеге самал берип көр,
Халқының алдында өзин жойтпаса,
Бахытлы өмирден дәме берип көр.

Ҳаялды сынасаң шырай берип көр,
Алтын, гүмис, дүнья, сарай берип көр,
Нəпсиге қул болып, өзин сатпаса,
Бахытлы өмирден дәме берип көр.

Жораңды сынасаң жаўға шығып көр,
Төбеси көринбес таўға шығып көр,
Оққа өзин тутып қалқаның болса,
Бахытлы өмирден дәме берип көр.

Иниңди сынасаң кесел болып көр,
Атыңнан жығылып мешел болып көр,
Қол қанатын болып сүйеўге келсе,
Бахытлы өмирден дәме берип көр.

Турғанбай Қарлыбаев
10. 03. 2014

https://t.me/Soz_marjani