Ongar_online


Kanal geosi va tili: Qozog‘iston, Qozoqcha
Toifa: Siyosat


Қош келдіңіздер! Бұл тәуелсіз журналист Оңғар Қабденнің телеграм арнасы!
Мұнда:
🤡 Саясат
😪 Дау-дамай
😜 Елдегі елең еткізер оқиғалар және спорт тақырыбы да қамтылады.
Жарнама бойынша: +7 747 897 4980

Связанные каналы

Kanal geosi va tili
Qozog‘iston, Qozoqcha
Toifa
Siyosat
Statistika
Postlar filtri


Kozachkov offside dan repost
Мне пишут в @Koza4kov_bot, что возможный убийца охранника Аскар Тастандиев 1979 года рождения учился вместе с Куандыком Бишимбаевым в Нархозе - то ли на одном курсе, то ли в одной группе.


Бүгінгі алматылық кісі өлтіруші бұрынғы депутат пен прокуратура қызметкерінің баласы дейді Козачков арнасы.


"Маған кеше түнде күзетшіні өлтіру оқиғасы орын алған «Алматы» тұрғын үй кешенінің тұрғындары хабарласты. Айтуларынша, қылмысты Асқар Тастандиев есімді көршісі жасаған. Google бұл жерде 1979 жылы туған бизнесмен, мемлекеттік сатып алуларға қатысушы бар деп жазады. Билік бұл ақпаратты маған әлі растаған жоқ" деп жазды Козачков.


Video oldindan ko‘rish uchun mavjud emas
Telegram'da ko‘rish
Алматыда элиталық тұрғын үй кешенінің күзетшісін көлігімен қағып, таптап, аса қатыгездікпен өлтірген күдікті қамауға алынды.


Крокус Сити Холлдағы лаңкестік әрекет кезінде Украинада соғысқан ресейлік ГРУ арнайы жасағының полковнигі Тимур Мясников қаза тапты.


Су тасқынынан зардап шеккендердің үйі мен мал шығыны толық өтеледі. Кінәлі шенеуніктер қатаң жазаланады. Бұл туралы премьер-министр Бектенов мәлімдеді.


Астанада Бишімбаев ісі бойынша сот өтуде. Сотта марқұм Салтанат Нүкенованың ағасы Айтбек Амангелді Салтанаттың фотосын көрсетті.
Бұл Салтанаттың өлерінен әлдеқайда бұрын түсірілген фотосы. Яғни, Бишімбаев бұрын да ұрып соққан деуге болады.


Azattyq - Азаттық dan repost
Қазақстанның Украинадағы елшілігі “шиеленіс өршуіне, қауіпсіздік ахуалының тұрақсыздығына байланысты” ел азаматтарын Украинаның Харьков және Одесса облысынан кетуге шақырды.


Video oldindan ko‘rish uchun mavjud emas
Telegram'da ko‘rish
Қостанай облысы, Амангелді ауданы. Қардың суына былай болып жатыр. Өзен тасыса не болады?


Алматы әкімдігі қалада электр қуатының үзілуі мүмкін екенін ескертеді

«Қаладағы ауа-райының нашарлауына байланысты электр қуатының, оның ішінде сыртқы жарықтандыру желілерінің апаттық өшуі мүмкін», - деп жазады департамент.

Жедел ақпарат алу үшін әкімдіктің баспасөз қызметі «АлматыЭнергоСбыт» компаниясына да хабарласуды ұсынады:

— 356-99-99 (байланыс орталығы).

Сыртқы жарықтандыру желілерін авариялық өшіру («Алматы Қала Жарық»):

▪️ 8 771-718-24-39;
▪️ 8 771-718-24-56;
▪️ 390-20-40;
▪️ 390-20-60.

Диспетчерлік орталықтар тәулік бойы жұмыс істейді, деп атап өтті әкімдік.

Абай болыңыз!


Масс-медиа туралы Заң бекітілсе Мәжілістің бірінші қырына ілігетіні QosLike, Қалаулым, Бір болайықтар болмақшы. Соның алдын алу мақсатында болу керек мына рейтингтың шыққаны. Ертең депутаттар жабыңдар десе, міне халықтың сүйіп көретін бағдарламалары деп жаптырмай, қорғану үшін.

Аталған бағдарламаларды жапқаны дұрыс па? Сіз қалай ойлайсыз?

2.2k 0 2 40 105

Мынау еліміздегі телеарналардағы дүркіреп тұрған бағдарламалардың рейтингі. Яғни, халықтың деңгейі осы деген сөз.


Бишімбаев кінәсіз бе?

Кеше, 27 наурызда Астана қаласының қылмыстық істер жөніндегі мамандандырылған ауданаралық сотында Қ.Бишімбаевтың ісі бойынша алқабилер соты өтті. Бишімбаев тағы да өз кінәсін мойындамады. Тағылған айыптармен келіспейтінін айтып, өзін кінәсіз деп санайтынын бірнеше рет қайталады.

«Прокурордың оқып шыққанының бәрі ойдан шығарылған, мұның бәрі расталмаған, дәлелденбеген. 110-бап бойынша қылмыс менің тарапымнан ешқашан жасалған емес, мен кінәны мойындамаймын» деді.

Қаншама дәлел, видео ұсынылса да Бишімбаев кінәсін мойындамаймын дейді. Прокурордың айыптауын оқысаңыз аза бойыңыз қаза болады.

Онда Бишімбаев пен Нүкенованың танысқан күндерінен бастап, Нүкенованың өліміне себеп болған оқиғаға дейінгі жайттар баяндалды.
Бишімбаев азаматтық неке кезінде Нүкеноваға зорлық-зомбылық көрсеткен, негізсіз қызғаныштың кесірінен ұрып-соққан, аңдыған, жақындарымен араластырмаған. Аз ғана уақыт ішінде Салтанатқа үзбей зорлық-зомбылық көрсеткен.

Мысалы, 2023 жылдың наурызында қызғаныштан оны ұрып-соғады, ал сол жылдың сәуірінде оны бопсалау мақсатында интимді сипаттағы видео түсіреді. Тамызда Бишімбаевтың қорлығына шыдамаған Нүкенова ата-анасына қайтып барады, алайда Қуандық өлердегі сөзін айтып, сендіріп, Салтанатты қайта алып келеді. Оның соңы немен біткені барша жұртқа аян.

Айыптау актісінде 8-9 қарашадағы оқиға ашық айтылды. Бишімбаевтың Салтанатқа қол көтергені, аяқ киімімен жанды жерлерінен тепкені, Салтанаттың денесіндегі жаралары мен зақымданған органдары жайлы тыңдау сотқа қатысып отырған Нүкеновтерге де ауыр соққаны анық.

Бұл сотта Бишімбаевтан бөлек ҚР ҚК 432- бабв бойынша аса ауыр қылмысты жасырғаны үшін туысқаны Байжанов та жауап беруде. Ол Бишімбаевтың бұйрығымен видеожазбалпрды өшіргенін, Салтанаттың телефонын алып кеткенін мойындап, ол кезде Нүкенованың өлім үстінде жатқанынан немесе қаза болғанын хабардар болмағанын айтты.

Сондықтан өзінің кінәлі немесе кінәсіз екенін айта алмайтынын жеткізді.
Қылмысты жасыру мен оның артын жуып-шаю да ауыр қылмыс деп санаймын. Сондықтан Бишімбаев та Байжанов та лайықты жазаларын алып, заң алдында жауап беруі керек.

Енді келесі сот отырысы 2024 жылғы 29 наурыз сағат 10:00-ге белгіленді. Бұл істі Президенттен бастап Қазақ қоғамы толықтай бақылауға алып отырғанын ескерсек, Бишімбаев жазадан құтылмауы тиіс!


DALA INSIDE dan repost
💣 КТК-ға биыл тиіспейміз. Астана Киевті Вашингтон арқылы әрең ұстап отыр

Қазақстан жабық дипломатиялық каналдар арқылы Киевтің Каспий құбыр консорциумының Новороссийсктегі терминалдарын бомбыламау туралы уәдесін алды. Оған Шеврон лоббиі аясында жүретін АҚШ конгрессмендері ат салысқан.

АҚШ сенаторы Стив Дэйнс негізінен осы мәселе бойынша Астанаға ұшып келді дейді, DALA INSIDE дереккөзі. Түйткілді сұрақ Президент Тоқаевпен жабық есік жағдайында талқыланған.


Украинаның 2024 жылғы ұрыс бағдарламасы Ресейдің отын-жанармай инфрақұрылымын жоюды көздейді. Осыған сәйкес, қазір дрондар арқылы Ресейдегі ірі мұнай өңдеу кешендері мен жанармай терминалдарына соққы беріле бастады. Новороссийскідегі КТК мұнай терминалы да әу баста осы тізімге кірген болатын. Себебі, ол арқылы Ресей 2023 жылы экспортқа 7,4 миллион тонна мұнай шығарып, одан түскен пайданы соғыс қажетіне жаратты.

Бірақ бүкіл Қазақстан экономикасы КТК құбырына қарап отыр. Еліміз 2023 жылы 90 миллион тонна мұнай өндіріп, оның 70,5 миллион тоннасын экспортқа жіберген. Соның 56 миллион тоннасы КТК арқылы Еуропаға кетті. Теңіз кенішінен 27,4 миллион тонна, Қашағаннан 17,8 миллион тонна, Қарашығанақтан 9,6 миллион тонна КТК құбырына құйылды. Бір сөзбен айтқанда, КТК құбырына дәл қазір балама жоқ. Новороссийскідегі терминалға бомба түссе, қазақ экономикасы тоқтайтын болады. Одан Shevron, Shell, Eni сияқты алпауыттар да орасан зиян шегеді.

КТК Ресей территориясы арқылы жүретіндіктен, осы елдің құбырға ықпалы зор. Ресей Каспий құбыр консорциумының "Транснефть" арқылы 24%, "МК КТК Компани" арқылы 7%, LUKARKO арқылы 12,5% үлесіне иелік етеді. Сонда КТК-ның 43,5 пайызы де-факто Ресейдің қолында. Украинаның КТК-ны Ресейдің стратегиялық активі деп тауып, жойғысы келетіні де осыдан болып отыр.

Киев Астананы ренжіткісі келмейді дейді, DALA INSIDE дереккөзі. Бірақ 2024 жылы Ресей КТК арқылы кемінде 8 миллион тонна өз мұнайын айдаса, онда Украина оған көз жұмып қарап отыра алмайды.


АҚШ тарапы КТК жүйесі арқылы қазақ мұнайын тасымалдауды көбейтіп, "орыс мұнайына құбырда орын қалдырмайық" деген ұсыныспен шыққан. Сонда Киев тынышталатын болады.

Бірақ КТК құбырын қазақ мұнайымен толтыруда проблема бар. Анығын айтсақ, бізде ондай көлемде мұнай жоқ. 2023 жылы КТК құбыры модернизациядан өтіп, тасымалдау қуаты жылына 83 миллион тоннаға дейін өсті. Соның 72,5 миллион тоннасын КТК Қазақстанға бөліп отыр. Бірақ біз сол 72,5 миллион тонна мұнайды құбырға құя алуымыз неғайбыл. Тіпті осы көлемді әрең толтырсақ та, КТК қуатының артық 10 миллион тоннасы қалады. Оны биржадан орын алған ресейлік мұнай компаниялары бөліп алмақ. Демек Киев тағы да "температурить" ете бастайды.

Біз неге КТК-дағы 72,5 миллион тонна мұнай квотасын толтыра алмаймыз? 2024 жылы Қазақстан максимум 90,3 миллион тонна мұнай өндіреді. Оның 2 миллион тоннасын уәде бойынша "Баку-Тбилиси-Джейхан" құбырына құюымыз керек. "Дружба" құбыры арқылы Германияға кемі 1 миллион тонна жіберу контракталған. 9 миллион тонна "Атырау-Самара" арқылы кетеді. Қытайға "Атасу-Алашанькоу" бойымен 1,2 миллион тонна баруы керек. Сонда 77,1 миллион тонна қалады.

Былтыр ішкі нарықтың мұнайға деген сұранысы 18 миллион тоннадан асты. Биыл кемінде 18,5 миллион тонна болуы тиіс. Сонда біздің КТК-ға бере алатын көлеміміз 60 миллионнан тонна шамасында ғана болмақ.

Киевке Вашингтоннан "КТК-ға тиіспе" деген сигналдар көп келді. Бірақ келесі жылы жағдайдың қалай өзгерері белгісіз. Стив Дэйнс Астана ұшып келген соңғы сенатор емес екенін ішіміз сезеді.

DALA INSIDE қазақ экономикасының күретамырын бақылап отыр. Сіз де осындай шытырман геосаясаттан хабардар болыңыз 👇

https://t.me/dalainside


Video oldindan ko‘rish uchun mavjud emas
Telegram'da ko‘rish
Арқалықтың Екідің ауылының 26 үйі суға кетті. Мына суға ағып бара жатқан малдарды көру қандай ауыр. Әсіресе, жылқының кісінегені😥😢


Абай облысында жағдай қиын. Су бой бермей жатыр. Аягөзде суға кеткен үш адамды әлі таппады. Ертең +20 дейді.


Бишімбаевтың ісі бойынша алқабилердің қатысуымен ашық сот отырысы басталды

Экс-министр өзіне тағылған айыптарды мойындамайтынын айтты.


Бүгін Астананың қылмыстық істер жөніндегі мамандандырылған ауданаралық сотында Қ.Бишімбаевтың ісі бойынша алқабилерді іріктеу өтті.

Алқабилер алқасына 12 адам таңдалды: 10 – негізгі құрам, 2 – қосалқы.

Ашық режимде өтетін келесі сот отырысы 2024 жылдың 27 наурызында сағат 16:00-ге белгіленді.


Video oldindan ko‘rish uchun mavjud emas
Telegram'da ko‘rish
"Барселонаның" 16 жасар жақұты Ламин Ямальдің кешегі Испания ұлттық құрамасындағы ойынына "Сантьянго Бернабеу" орнынан тік тұрып қол соқты.


Video oldindan ko‘rish uchun mavjud emas
Telegram'da ko‘rish
Абай облысы, Аягөз ауданы

20 ta oxirgi post ko‘rsatilgan.